കൊവിഡ് കാലത്ത് പ്രതിപക്ഷ നേതാവ് രമേശ് ചെന്നിത്തലയ്ക്ക് നിരവധി ട്രോളുകള്‍ സമ്മാനിച്ച ഒരു പേരാണ് ‘ഉസ്മാന്‍’. ഗള്‍ഫില്‍ കൊവിഡ് കാലത്ത് പെട്ടുപോയ പ്രവാസികളുടെ കാര്യങ്ങള്‍ അന്വേഷിക്കുന്ന രമേശ് ചെന്നിത്തലയുടെ വീഡിയോ പുറത്ത് വന്നിരുന്നു. ഈ വീഡിയോയില്‍ ഉസ്മാനെ വിളിക്കുന്നതാണ് നിരവധി ട്രോളുകള്‍ സമ്മാനിച്ചത്.
ഇങ്ങനൊരു ഉസ്മാന്‍ ഇല്ലെന്നായിരുന്നു ട്രോളുകളുടെ ആകെ തുക. എന്നാല്‍ രമേശ് ചെന്നിത്തല വിളിച്ച ഉസ്മാനെ മീഡിയാവണ്‍ ചാനല്‍ കൈയ്യോടെ എയര്‍പോര്‍ട്ടില്‍ നിന്ന് റിപ്പോര്‍ട്ട് ചെയ്തു. ഖത്തറിലെ കോണ്‍ഗ്രസ് പ്രവാസി സംഘടനയായ ഇന്‍കാസിന്റെ നേതാവാണ് കെ.കെ ഉസ്മാന്‍.
ശരിക്കും ഉള്ള ഉസ്മാനെ മീഡിയാവണ്‍ റിപ്പോര്‍ട്ട് ചെയ്തതോടെ വീഡിയോ വൈറല്‍ ആയിരുന്നു. 11 ലക്ഷം പേരാണ് ആരാണ് ശരിക്കും ഉള്ള ഉസ്മാന്‍ ആരാണെന്ന് അറിയാന്‍ വീഡിയോ കണ്ടത്. 12000 പേരാണ് വീഡിയോ ഷെയര്‍ ചെയ്തത്.
താനീ ട്രോളുകളൊക്കെ ആസ്വദിക്കുകയായിരുന്നുവെന്ന് ഉസ്മാന്‍ പറയുന്നു. സ്പ്രിങ്ക്ളര്‍ പോലുള്ള വിഷയങ്ങളില്‍ നിന്ന് ശ്രദ്ധ തിരിക്കുന്നതിന് വേണ്ടിയായിരുന്നു തന്റെ പേരിലുള്ള ട്രോളുകളെന്നും അദ്ദേഹം പറഞ്ഞു.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.