'' നൈനോ മേന്‍ സപ്‌ന '' യുടെ റിറെക്കോര്‍ഡിങ്ങില്‍ പാടുന്നത് കിഷോര്‍കുമാറിന്റെ മകന്‍
ഡൂള്‍ന്യൂസ് ഡെസ്‌ക്
Saturday, 9th February 2013, 2:58 pm
മുംബൈ:കിഷോര്‍ കുമാറിന്റെ നൈനോ മേന്‍ സപ്‌ന എന്ന പ്രശസ്ത ഗാനം മകന്‍ അമിതിന്റെ സ്വരത്തിലൂടെ പ്രക്ഷേകര്‍ക്കു മുമ്പില്‍ വീണ്ടുമെത്തുന്നു.എണ്‍പതുകളില്‍ കിഷോര്‍കുമാറും ലതാമങ്കേഷ്‌കറും പാടി ഹിറ്റാക്കിയ ഈ ഗാനം അഭ്രപാളിയില്‍ പകര്‍ത്തിയത് പ്രമുഖ നടി ശ്രീദേവിയും ജിതേന്ദ്രയുമായിരുന്നു.[]
ഹിമ്മത്ത് വാലയുടെ റീമേക്കില്‍ ഈ ഗാനം പാടുന്നത് അമിതിനൊപ്പം ശ്രേയാഘോഷാല്‍ ആണ്. മുപ്പത് വര്‍ഷം മുമ്പ് എന്റെ അച്ഛന്‍ പാടിയ ഈ ഗാനം അതേ രീതിയില്‍തന്നെയാണ് റീ റെക്കോര്‍ഡ് ചെയ്യുന്നതെന്ന് അമിത് പറയുന്നു.
ഹിമ്മത് വാലയുടെ റീമേക്ക് സംവിധാനം നിര്‍വഹിക്കുന്നത് സാജിദ്ഖാനാണ്.അമിത് ഈ ഗാനം പാടുമ്പോള്‍ കിഷോര്‍ കുമാര്‍ വന്നു പാടുന്നതായി നമുക്ക് അനുഭവപ്പെടുമെന്നും സാജിത്ഖാന്‍ പറയുന്നു.
സംഗീത സംവിധായകന്‍ സാജിദ്-വാജിദ് ആണ് പുതിയ രീതിയില്‍ ഈ ഗാനത്തിന് സംഗീതം നല്‍കുക.