ദുല്‍ഖര്‍ സല്‍മാന്‍ നായകാനായെത്തിയ കിങ് ഓഫ് കൊത്ത ആദ്യ വാരത്തില്‍ നേടിയത് മുപ്പത്തി ആറു കോടി ആണെന്നാണ് അണിയറ പ്രവര്‍ത്തകര്‍ പറയുന്നത്. രണ്ടാം വാരവും ഇരുന്നൂറില്പരം തിയേറ്ററുകളില്‍ പ്രദര്‍ശിപ്പിക്കുന്ന ചിത്രം സമ്മിശ്ര പ്രതികരണത്തിനിടയിലും മികച്ച കളക്ഷനാണ് നേടുന്നത്.
കേരളത്തില്‍ നിന്ന് മാത്രം ഇതുവരെ പതിനാലര കൊടിയില്‍പരം രൂപയും ആര്‍.ഒ.ഐ. വരുമാനം ഏഴ് കോടിയില്‍പരം രൂപയും ഓവര്‍സീസ് തിയേറ്ററുകളില്‍ നിന്ന് പതിനഞ്ചു കോടിയോളം രൂപയും ആണ് ചിത്രം കരസ്ഥമാക്കിയത്.
കൊത്ത എന്ന സാങ്കല്‍പ്പിക ഗ്രാമത്തിലെ രണ്ടു കാലഘട്ടങ്ങളിലെ കഥ പറയുന്ന ചിത്രത്തില്‍ ദുല്‍ഖര്‍ സല്‍മാന്‍ രണ്ട് ഗെറ്റപ്പിലാണ് എത്തിയത്. ഷബീര്‍ കല്ലറക്കല്‍, പ്രസന്ന, ഗോകുല്‍ സുരേഷ്, ഐശ്വര്യ ലക്ഷ്മി, നൈല ഉഷ, ഷമ്മി തിലകന്‍, ശാന്തി കൃഷ്ണ, അനിഖ തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളിലെത്തുന്നത്.
