ദുല്‍ഖറിന്റെ കിങ് ഓഫ് കൊത്ത ടീസര്‍ റിലീസ് ചെയ്യാന്‍ മമ്മൂട്ടി
എന്റര്‍ടെയിന്‍മെന്റ് ഡെസ്‌ക്
Tuesday, 27th June 2023, 5:15 pm
ദുല്‍ഖര്‍ സല്‍മാന്റെ കിങ് ഓഫ് കൊത്ത മലയാളം ടീസര്‍ പുറത്ത് വിടുന്നത് മമ്മൂട്ടി. ജൂണ്‍ 28ന് ആറ് മണിക്കാണ് തെന്നിന്ത്യന്‍ സിനിമാ ലോകം കാത്തിരിക്കുന്ന കിങ് ഓഫ് കൊത്തയുടെ ടീസര്‍ പുറത്ത് വരുന്നത്. തെലുങ്ക് ടീസര്‍ മഹേഷ് ബാബുവും തമിഴ് ടീസര്‍ ചിമ്പുവുമാണ് റിലീസ് ചെയ്യുന്നത്. മലയാളം ടീസര്‍ പുറത്ത് വിടുന്നത് മമ്മൂട്ടിയാണെന്നറിഞ്ഞതോടെ ആവേശത്തിലായിരിക്കുകയാണ് ആരാധകര്‍.
കഴിഞ്ഞ ദിവസം പുറത്തുവിട്ട ചിത്രത്തിലെ കഥാപാത്രങ്ങളെ വെളിപ്പെടുത്തിക്കൊണ്ടുള്ള ചിത്രത്തിന്റെ മോഷന്‍ പോസ്റ്ററിനും അതിലെ ജേക്സ് ബിജോയ് ഒരുക്കിയ ബാക്ക്ഗ്രൗണ്ട് സ്‌കോറിങ്ങിനും വലിയ പ്രശംസ ലഭിച്ചിരുന്നു.
