'ഹമാസ് മോഡലില്‍ ആക്രമിക്കും'; ഇന്ത്യക്കെതിരെ ഭീഷണിയുമായി വീണ്ടും ഖലിസ്ഥാന്‍ ഭീകരര്‍
ന്യൂദല്‍ഹി: ഇന്ത്യക്കെതിരെ ഭീഷണിയുമായി വീണ്ടും ഖലിസ്ഥാന്‍ ഭീകരര്‍ രംഗത്ത്. ഹമാസിന് സമാനമായ രീതിയില്‍ ഇന്ത്യയെ ആക്രമിക്കുമെന്ന് സിഖ് ഫോര്‍ ജസ്റ്റിസ് തലവന്‍ ഗുര്‍പത്വന്ത് പന്നു അറിയിക്കുകയായിരുന്നു. കാനഡിയിലുള്ള ഗുര്‍പത്വന്ത് പന്നു വീഡിയോ സന്ദേശത്തിലൂടെയാണ് ഭീഷണി മുഴക്കിയത്.
തങ്ങളുടെ ആവശ്യങ്ങള്‍ അംഗീകരിച്ചില്ലെങ്കില്‍ ഹമാസ് മാതൃകയിലുള്ള ആക്രമണമുണ്ടാകുമെന്നാണ് ഗുര്‍പത്വന്ത് പറയുന്നത്. പഞ്ചാബില്‍ നിന്ന് ഇന്ത്യ പിന്‍വാങ്ങണമെന്നും ഖലിസ്ഥാനെ സ്വതന്ത്ര സിഖ് രാഷ്ട്രമായി മാറ്റണമെന്നും ഇയാള്‍ വീഡിയോയില്‍ ആവര്‍ത്തിച്ച് പറയുന്നുണ്ട്. പഞ്ചാബിന് മേലുള്ള നിയന്ത്രണം തുടര്‍ന്നാല്‍ ശക്തമായ പ്രതികരണമുണ്ടാകുമെന്നും ഗുര്‍പത്വന്ത് മുന്നറിയിപ്പ് നല്‍കി.
