മലയാളികള്‍ക്ക് ഏറെ ഇഷ്ടപ്പെട്ട സംവിധായകരില്‍ ഒരാളാണ് ഖാലിദ് റഹ്‌മാന്‍. തല്ലുമാലക്ക് ശേഷം റഹ്‌മാന്‍ സംവിധാനം ചെയ്യുന്ന ഏറ്റവും പുതിയ ചിത്രത്തിനുള്ള കാത്തിരിപ്പിലായിരുന്നു സിനിമാപ്രേമികള്‍.
ആലപ്പുഴ ജിംഖാനയാണ് അദ്ദേഹത്തിന്റേതായി വരാനിരിക്കുന്ന സിനിമ. സ്പോര്‍ട്സ് – കോമഡി ഴോണറിലാണ് ഈ ചിത്രം എത്തുന്നത്. ബോക്സിങ് പശ്ചാത്തലമാക്കി എത്തുന്ന ഈ സിനിമയില്‍ നസ്‌ലെന്‍, ലുക്മാന്‍, അനഘ രവി, ഗണപതി തുടങ്ങിയവരാണ് പ്രധാനവേഷത്തില്‍ എത്തുന്നത്.
ഇപ്പോള്‍ ഗലാട്ടാ പ്ലസിന് നല്‍കിയ അഭിമുഖത്തില്‍ നസ്‌ലെനെ കുറിച്ച് പറയുകയാണ് ഖാലിദ് റഹ്‌മാന്‍. പ്രേമലുവിന്റെ പോസ്റ്റ് പ്രൊഡക്ഷന്റെ സമയത്താണ് ഈ സിനിമയിലേക്ക് നസ്‌ലെനെ കാസ്റ്റ് ചെയ്തതെന്നും അന്ന് പ്രേമലുവിലൂടെ അവന് വലിയ സ്റ്റാറാകുമെന്ന് തനിക്ക് അറിയില്ലായിരുന്നുവെന്നും റഹ്‌മാന്‍ പറയുന്നു.
ആലപ്പുഴ ജിംഖാനയെ കുറിച്ച് പറയുമ്പോള്‍ നസ്‌ലെന്‍ ഇന്ന് വലിയ സ്റ്റാറാണ്. പ്രേമലുവിന്റെ പോസ്റ്റ് പ്രൊഡക്ഷന്റെ സമയത്താണ് ഈ സിനിമയിലേക്ക് നസ്‌ലെനെ കാസ്റ്റ് ചെയ്യുന്നത്. പ്രേമലുവിലൂടെ അവന് വലിയ സ്റ്റാറാകുമെന്ന് എനിക്ക് അറിയില്ലായിരുന്നു.
എനിക്ക് നസ്‌ലെനെ ഒരുപാട് ഇഷ്ടമാണ്. അവന് വളരെ നല്ലൊരു മനുഷ്യനാണ്. ക്യാമറയുടെ മുന്നില്‍ എങ്ങനെ അഭിനയിക്കണമെന്ന് അവന് നന്നായി അറിയാം.
വളരെ നല്ല ടൈമിങ്ങുള്ള നടന്‍ കൂടിയാണ് നസ്‌ലെന്‍. അതുകൊണ്ട് തന്നെ എനിക്ക് അവന്റെ കൂടെ വളരെ നന്നായി വര്‍ക്ക് ചെയ്യാന്‍ പറ്റുമെന്ന വിശ്വാസം ഉണ്ടായിരുന്നു,’ ഖാലിദ് റഹ്‌മാന്‍ പറയുന്നു.
Content Highlight: Khalid Rahman Talks About Naslen
