തല്ലുമാലക്ക് ശേഷം ഖാലിദ് റഹ്‌മാന്‍ സംവിധാനം ചെയ്ത ഏറ്റവും പുതിയ ചിത്രമാണ് ആലപ്പുഴ ജിംഖാന. സ്‌പോര്‍ട്‌സ് – കോമഡി ഴോണറില്‍ എത്തിയ ഈ ചിത്രം ബോക്‌സിങ് പശ്ചാത്തലമാക്കിയാണ് ഒരുങ്ങിയത്.
സിനിമയില്‍ നസ്ലെന്, ലുക്മാന്‍ അവറാന്‍, അനഘ രവി, ഗണപതി തുടങ്ങിയവരായിരുന്നു പ്രധാനവേഷത്തില്‍ എത്തിയത്. ഇവര്‍ക്ക് പുറമെ കോട്ടയം നസീര്‍, സന്ദീപ് പ്രദീപ്, ഫ്രാങ്കോ ഫ്രാന്‍സിസ്, ബേബി ജീന്‍, ശിവ ഹരിഹരന്‍, ഷോണ്‍ ജോയ്, കാര്‍ത്തിക്, നന്ദ നിഷാന്ത് തുടങ്ങിയവരും അഭിനയിച്ചിരുന്നു.
ആലപ്പുഴ ജിംഖാനയില്‍ ജോജോ എന്ന കഥാപാത്രമായിട്ടാണ് നസ്ലെന് എത്തിയത്. ഗണപതിയാകട്ടെ ദീപക് എന്ന കഥാപാത്രമായാണ് അഭിനയിച്ചത്. ഇപ്പോള്‍ ഐ.എം.ഡി.ബിയുടെ യൂട്യൂബ് ചാനലിന് നല്‍കിയ അഭിമുഖത്തില്‍ നസ്‌ലെനെയും ഗണപതിയെയും കുറിച്ച് പറയുകയാണ് ഖാലിദ് റഹ്‌മാന്‍.
വളരെ വ്യത്യസ്തമായ സിനിമകളിലാണ് അവന് വര്‍ക്ക് ചെയ്തിട്ടുള്ളത്. അവന് പെര്‍ഫോം ചെയ്യുന്ന രീതിയൊക്കെ ഞാന്‍ നന്നായി ശ്രദ്ധിച്ചിരുന്നു. ഒപ്പം ഓരോ സിനിമയിലെയും തന്റെ കഥാപാത്രങ്ങള്‍ ചെയ്യുമ്പോഴുള്ള നസ്‌ലെന്റെ എനര്‍ജിയും ശ്രദ്ധിച്ചു.
ആ കഥാപാത്രത്തിന് അല്‍പ്പം ആകര്‍ഷണീയതയും കൂടുതല്‍ ഊര്‍ജ്ജസ്വലതയും ഉത്സാഹവുമൊക്കെ വേണം. നസ്ലെന് നന്നായി ചേരുമെന്ന് തോന്നി. അവന് അത് ചെയ്യാന്‍ പറ്റുമെന്ന് എനിക്ക് ഉറപ്പുണ്ടായിരുന്നു. നസ്‌ലെനെ സിനിമയുമായി സമീപിച്ചപ്പോള്‍ തന്നെ അവന് ‘യെസ്’ പറഞ്ഞു.
Content Highlight: Khalid Rahman Talks About Ganapathi And Naslen
