ഇന്ത്യന്‍ സിനിമയില്‍ പുതിയ റെക്കോര്‍ഡുമായി കെ.ജി.എഫ്; നൂറ് മില്ല്യണ്‍ കാഴ്ച്ചക്കാരുള്ള ആദ്യ ടീസര്‍ കെ.ജി.എഫ് 2 വിന്റെത്
എന്റര്‍ടെയിന്‍മെന്റ് ഡെസ്‌ക്
Sunday, 10th January 2021, 5:28 pm
കൊച്ചി: റിലീസിന് മുമ്പ് തന്നെ പുതിയ റെക്കോര്‍ഡുകള്‍ രചിച്ച് തെന്നിന്ത്യന്‍ സിനിമ കെ.ജി.എഫ് 2. യുട്യൂബ് ചരിത്രത്തില്‍ തന്നെ ഏറ്റവും വേഗത്തില്‍ ആദ്യമായി നൂറ് മില്ല്യണ്‍ കാഴ്ച്ചാക്കാരെ സ്വന്തമാക്കുന്ന ടീസറായി കെ.ജി.എഫ് 2 ടീസര്‍.
5.4 മില്യണ്‍ ലൈക്കുകളും നാലര ലക്ഷത്തോളം കമന്റുകളുമാണ് ടീസറിന് ഇതിനോടകം ലഭിച്ചത്. നായകന്‍ യഷിന്റെ ജന്‍മദിനത്തോട് അനുബന്ധിച്ചായിരുന്നു ടീസര്‍ പുറത്തിറക്കിയത്.
പൃഥ്വിരാജ് പ്രൊഡക്ഷന്‍സ് ആണ് ചിത്രം മലയാളത്തില്‍ എത്തിക്കുന്നത്. 2018 ഡിസംബര്‍ 21നാണ് കെ.ജി.എഫിന്റെ ആദ്യ ഭാഗം റിലീസ് ചെയ്തത്.
