കേരളീയത്തില്‍ നടന വിസ്മയം; ഡാന്‍സ് ഫ്യൂഷനുമായി കലാമണ്ഡലം
ഡൂള്‍ന്യൂസ് ഡെസ്‌ക്
Monday, 6th November 2023, 6:37 pm
കേരളീയത്തിലെ അഞ്ചാം ദിനവും വൈവിധ്യമാര്‍ന്ന കലാപരിപാടികളാല്‍ സമ്പന്നമായിരുന്നു. പ്രധാന വേദിയായ സെന്‍ട്രല്‍ സ്റ്റേഡിയത്തില്‍ കലാമണ്ഡലം കലാകാരന്മാര്‍ അവതരിപ്പിച്ച ഡാന്‍സ് ഫ്യൂഷന്‍ അക്ഷരാര്‍ത്ഥത്തില്‍ കണ്ണിന് ഉത്സവ വിരുന്നായി. നടന വിസ്മയം തീര്‍ത്ത് ചൈത്ര ഉദയരാജിന്റെ ഭരതനാട്യം ജയപ്രഭ മേനോന്റെയും സംഘത്തിന്റെയും മോഹിനിയാട്ടം എന്നിവ നിശാഗന്ധിയില്‍ അരങ്ങേറി.
വജ്ര ജൂബിലി ഫെലോഷിപ്പ് കലാകാരന്മാര്‍ അവതരിപ്പിച്ച കൈരളീരവം കലാസന്ധ്യ പുത്തരിക്കണ്ടം വേദിയെ രസിപ്പിച്ചു. വിജ്ഞാനകേരളം വിജയ കേരളം എന്ന പേരില്‍ സംസ്ഥാന സര്‍വവിജ്ഞാനകോശം ഇന്‍സ്റ്റിറ്റ്യൂട്ടിന്റെ ആഭിമുഖ്യത്തിലുള്ള ക്വിസ് പരിപാടി ടാഗോര്‍ തിയേറ്ററില്‍ നടന്നു.
