'കേരളം ദി സിഗ്‌നേച്ചര്‍ ഓഫ് ഗോഡ്' സരിഗമ യൂട്യൂബ് ചാനല്‍ പുറത്തിറക്കി
എന്റര്‍ടെയിന്‍മെന്റ് ഡെസ്‌ക്
Thursday, 4th February 2021, 7:00 pm
കൊച്ചി: സംഗീത സംവിധായകന്‍ മിഥുന്‍ നാരായണന്‍ ഒരുക്കിയ ‘കേരളം ദി സിഗ്‌നേച്ചര്‍ ഓഫ് ഗോഡ്’ മ്യൂസിക് ആല്‍ബം സരിഗമ യൂട്യൂബ് ചാനല്‍ പുറത്തിറക്കി.
കേരളത്തിന്റെ വ്യത്യസ്തമാര്‍ന്ന പ്രകൃതിയും കലാരൂപങ്ങളും മുന്‍നിര്‍ത്തി ഒരുക്കിയിട്ടുള്ള ആല്‍ബത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.
ശ്രീരാജ് സഹജന്‍, അഷിത അജിത് എന്നിവര്‍ ആലപിച്ച ഗാനത്തിന്റെ രചന നിര്‍വഹിച്ചിരിക്കുന്നത് വയലാര്‍ ശരത്ചന്ദ്ര വര്‍മ്മയാണ്. സൂര്യ കുങ്കുമം ശോഭയണിഞ്ഞൊരു എന്നുതുടങ്ങുന്ന പാട്ട് ഇതിനോടകം തന്നെ ആരാധകര്‍ ഏറ്റെടുത്ത് കഴിഞ്ഞു.
