10 പേര്‍ക്ക് സമ്പര്‍ക്കം വഴി രോഗം, ഇന്ന് രോഗം സ്ഥിരീകരിച്ചവരില്‍ മൂന്ന് ആരോഗ്യപ്രവര്‍ത്തകരും; സംസ്ഥാനം അതീവ ഗുരുതരാവസ്ഥയിലൂടെയാണ് കടന്നുപോകുന്നതെന്ന് മുഖ്യമന്ത്രി
ഡൂള്‍ന്യൂസ് ഡെസ്‌ക്
Friday, 5th June 2020, 6:10 pm
തിരുവനന്തപുരം: കൊവിഡ് വ്യാപനത്തില്‍ സംസ്ഥാനം അതീവ ഗുരുതരാവസ്ഥയിലൂടെയാണ് കടന്നുപോകുന്നതെന്ന് മുഖ്യമന്ത്രി പിണറായി വിജയന്‍. ജൂണ്‍ 1 മുതല്‍ ക്രമാതീതമായി സംസ്ഥാനത്ത് രോഗികളുടെ എണ്ണം കൂടിവരികയാണെന്നും മുഖ്യമന്ത്രി പറഞ്ഞു.
ഇന്ന് 111 പേര്‍ക്കാണ് രോഗം സ്ഥിരീകരിച്ചത്. ഇതില്‍ 50 പേര്‍ വിദേശത്ത് നിന്ന് വന്നവരാണ്. മറ്റ് സംസ്ഥാനങ്ങളില്‍ നിന്ന് വന്ന 48 പേര്‍ക്കും ഇന്ന് രോഗം സ്ഥിരീകരിച്ചു.
