തിരുവനന്തപുരം: കേന്ദ്ര സര്‍ക്കാരിന്റെ കശാപ്പ് നിരോധന നിയമം ചര്‍ച്ചചെയ്യാന്‍ സമ്മേളിച്ച പ്രത്യേക നിയമസഭാ സമ്മേളനത്തിന് എം.എല്‍.എമാരെത്തിയത് നിയമസഭാ കാന്റീനില്‍ നിന്ന് ബീഫ് കഴിച്ച ശേഷം. ഭക്ഷണ സ്വാതന്ത്യത്തിനുമുകളിലുള്ള കടന്നു കയറ്റത്തിനെതിരെയുള്ള പ്രതിഷേധം കൂടിയായിരുന്നു എം.എല്‍.എമാരുടെ പ്രഭാത ഭക്ഷണം.
Related One ഗോമാതാവിനും കാളപിതാവിനും വേണ്ടി പരിഹാസ്യമായ സിദ്ധാന്തങ്ങള്‍ അടിച്ചേല്‍പ്പിക്കുമ്പോള്‍ മോദി യൂറോപ്പില്‍ ചുറ്റിക്കറങ്ങി നല്ല സൊയമ്പന്‍ ബീഫ് കഴിക്കുന്നു; വി.എസ്
നിയമസഭാ സമ്മളിച്ച ഇന്ന് കേരളത്തിലെ ഇടതു വലതു എം.എല്‍.എമാര്‍ ഒറ്റക്കെട്ടായി രംഗത്തെത്തിയപ്പോള് സമാജികരുടെ പോരാട്ടത്തില് പങ്കു ചേരുകയായിരുന്നു കാന്റീന് ജീവനക്കാരും. “ഇന്നു ബീഫ് റോസ്റ്റ് ഉണ്ടായിരിക്കുന്നതാണെ”ന്ന ബോര്ഡാണ് കാന്റീനു മുന്നില് എം.എല്‍.എമാരെ സ്വീകരിച്ചത്.
സംസ്ഥാനത്ത് ബീഫ് ലഭ്യത ഉറപ്പിക്കാനുള്ള പോരാട്ടത്തിന് ഇറങ്ങിയ എം.എല്‍.എമാര്‍ കാന്റീനിലെ ബോര്‍ഡ് കണ്ടപ്പോള്‍ മുതല്‍ തന്നെ “പോരാട്ടം” ആരംഭിക്കുകയും ചെയ്തു. കാന്റീനിലൊരുക്കിയ ബീഫ് മത്സരിച്ച് കഴിച്ചാണ് എം.എല്‍.എമാര്‍ സഭയില്‍ കയറിയത്.
പ്രത്യേക നിയമസഭ സമ്മേളനം ആരംഭിച്ചതിന് പിന്നാലെ മുഖ്യമന്ത്രി പിണറായി വിജയന്‍ സഭയില്‍ പ്രമേയം അവതരിപ്പിച്ചു. പ്രമേയവതരണത്തിനു ശേഷം സഭാംഗങ്ങള്‍ വിഷയത്തിന്‍മേലുള്ള ചര്‍ച്ചയാരംഭിച്ചിരിക്കുകയാണ്. 2 മണിക്കൂറാണ് സഭാംഗങ്ങള്‍ക്ക് ചര്‍ച്ചയ്ക്ക് സമയം അനുവദിച്ചിരിക്കുന്നത്.
Dont miss അഞ്ച് മാസത്തിനുള്ളില്‍ സംസ്ഥാനത്ത് ബി.ജെ.പി നടത്തിയത് ഇരുപതോളം ഹര്‍ത്താലുകള്‍; തിരുവനന്തപുരത്തെ ഹര്‍ത്താല്‍ ആരംഭിച്ചു
എല്‍.ഡി.എഫ് യു.ഡി എഫ് അംഗങ്ങള് പ്രമേയത്തെ അനുകൂലിച്ച് സംസാരിച്ചതിന് പിന്നാലെ ബി.ജെ.പിയംഗം ഒ രാജഗോപാല് പ്രമേയത്തെ വിമര്ശിച്ചും സംസാരിച്ചു. ചര്ച്ചയില് ആദ്യം സംസാരിച്ച ഭരണ പരിഷ്കാര കമ്മീഷന് ചെയര്മാന് വി.എസ് അച്യുതാനന്ദന് രൂക്ഷ വിമര്ശനമാണ് കേന്ദ്ര സര്ക്കാരിനെതിരെ ഉന്നയിച്ചത്. ഗോമാതാവിനും കാളപിതാവിനും വേണ്ടി പരിഹാസ്യമായ സിദ്ധാന്തങ്ങള്‍ കേന്ദ്രം ജനങ്ങളുടെ മേല് അടിച്ചേല്പ്പിക്കുകയാണെന്നും പശുവളര്ത്തലിനെ കുറിച്ച് പ്രാഥമിക ധാരണ പോലും ഇല്ലാത്തവരാണ് വിജ്ഞാപനം തയ്യാറാക്കിയതെന്നും വി.എസ് കുറ്റപ്പെടുത്തി.