ലോക്ഡൗണില്‍ മാറ്റം; ടി.പി.ആര്‍. 30 ശതമാനത്തില്‍ കൂടുതലുള്ള സ്ഥലങ്ങളില്‍ കൂടുതല്‍ നിയന്ത്രണം
ഡൂള്‍ന്യൂസ് ഡെസ്‌ക്
Tuesday, 15th June 2021, 5:21 pm
തിരുവനന്തപുരം: സംസ്ഥാനത്ത് ഒരു മാസത്തിലേറെയായി പ്രഖ്യാപിച്ചിരുന്ന ലോക്ഡൗണില്‍ മാറ്റം വരുത്തി. ടി.പി.ആര്‍. 30 ശതമാനത്തില്‍ കൂടുതലുള്ള സ്ഥലങ്ങളില്‍ കൂടുതല്‍ നിയന്ത്രണം ഏര്‍പ്പെടുത്തും.
തദ്ദേശസ്ഥാപനങ്ങളെ നാലായി തിരിച്ചായിരിക്കും നിയന്ത്രണം ഏര്‍പ്പെടുത്തുക. ടി.പി.ആര്‍. 30 ശതമാനത്തില്‍ കുറവാണെങ്കില്‍ ഭാഗികമായിട്ടായിരിക്കും നിയന്ത്രണം ഏര്‍പ്പെടുത്തുക.
8 ശതമാനത്തില്‍ കുറവ് ടി.പി.ആര്‍. ഉള്ള സ്ഥലങ്ങളില്‍ കൂടുതല്‍ ഇളവ് അനുവദിക്കും. മേയ് എട്ടിനാണ് സംസ്ഥാനത്ത് ലോക്ഡൗണ്‍ പ്രഖ്യാപിച്ചത്.
മുഖ്യമന്ത്രിയുടെ നേതൃത്വത്തില്‍ കൊവിഡ് അവലോകനയോഗം പുരോഗമിക്കുകയാണ്. 12.7 ശതമാനമാണ് കഴിഞ്ഞ ദിവസങ്ങളിലെ ശരാശരി ടി.പി.ആര്‍. എന്ന് മുഖ്യമന്ത്രി കഴിഞ്ഞ ദിവസം വാര്‍ത്താസമ്മേളനത്തില്‍ പറഞ്ഞിരുന്നു.
