ബാങ്കുകള്‍ ഞായറാഴ്ച്ച വരെ അടച്ചിടും; പെരുന്നാള്‍ പ്രമാണിച്ച് ബുധനാഴ്ച്ച രാത്രി 10 വരെ മാംസവില്‍പ്പന ശാലകള്‍ പ്രവര്‍ത്തിക്കാം
ഡൂള്‍ന്യൂസ് ഡെസ്‌ക്
Tuesday, 11th May 2021, 11:51 pm
തിരുവന്തപുരം: സംസ്ഥാനത്ത് കൊവിഡ് ലോക്ക്ഡൗണിനെ തുടര്‍ന്ന് ബാങ്കുകളും ധനകാര്യ സ്ഥാപനങ്ങളും നാളെ മുതല്‍ ഞായറാഴ്ച വരെ അടച്ചിടാന്‍ തീരുമാനം.
പെരുന്നാള്‍ പ്രമാണിച്ച് നാളെ രാത്രി 10 മണിവരെ മാംസവില്‍പ്പനശാലകള്‍ക്ക് പ്രവര്‍ത്തിക്കാം. എന്നാല്‍ ഇവിടെങ്ങളില്‍ ഹോം ഡെലിവറി മാത്രമെ പാടുള്ളുവെന്നും നിര്‍ദ്ദേശമുണ്ട്.
കൊവിഡ് രൂക്ഷമായതിനെ തുടര്‍ന്ന് പള്ളികളിലോ ഈദ് ഗാഹുകളിലോ പെരുന്നാള്‍ നമസ്‌ക്കാരം ഉണ്ടാകില്ല. പകരം വീടുകളില്‍ തന്നെ ചെറിയ പെരുന്നാള്‍ നമസ്‌ക്കാരം നടത്തണമെന്ന് വിവിധ ഖാസിമാര്‍ പറഞ്ഞു.
കേരളത്തില്‍ വ്യാഴാഴ്ചയാണ് ചെറിയ പെരുന്നാള്‍. മാസപ്പിറവി ദൃശ്യമാകാത്ത സാഹചര്യത്തിലാണ് റംസാന്‍ മുപ്പത് പൂര്‍ത്തിയാക്കി വ്യാഴാഴ്ച ചെറിയ പെരുന്നാള്‍ വിശ്വാസികള്‍ ആഘോഷിക്കുന്നത്.
