കേരള ലോക്ക്ഡൗണ്‍; 15 ട്രെയിനുകള്‍ റദ്ദാക്കി; പരമാവധി ദീര്‍ഘ ദൂര സര്‍വീസുകളുമായി കെ.എസ്.ആര്‍.ടി.സി
ഡൂള്‍ന്യൂസ് ഡെസ്‌ക്
Thursday, 6th May 2021, 4:50 pm
തിരുവനന്തപുരം: സംസ്ഥാനത്ത് മെയ് 8 മുതല്‍ ലോക്ക്ഡൗണ്‍ പ്രഖ്യാപിച്ചതോടെ 15 ട്രെയിനുകള്‍ റദ്ദാക്കി. മെയ് 31 വരെയുള്ള ട്രെയിനുകളാണ് റദ്ദാക്കിയത്.
വേണാട്, വഞ്ചിനാട്, ഇന്റര്‍സിറ്റി, ഏറനാട്, കണ്ണൂര്‍ ജനശതാബ്ദി, പാലരുവി എക്‌സ്പ്രസ്, ചെന്നൈ-തിരുവനന്തപുരം സൂപ്പര്‍ ഫാസ്റ്റ്, ചെന്നൈ-തിരുവനന്തപുരം അന്ത്യോദയ, ബാനസവാടി-എറണാകുളം എക്‌സ്പ്രസ്, മംഗലാപുരം-തിരുവനന്തപുരം എക്‌സ്പ്രസ്, നിസാമുദീന്‍-തിരുവനന്തപുരം പ്രതിവാര എക്‌സ്പ്രസ് എന്നീ ട്രെയിനുകളാണ് റദ്ദാക്കിയത്.
ആലപ്പുഴ-കൊല്ലം, എറണാകുളം-ആലപ്പുഴ, ഷൊര്‍ണൂര്‍-എറണാകുളം മെമു സര്‍വീസും റദ്ദാക്കിയിട്ടുണ്ട്. മെയ് 6, മെയ് 7 ദിവസങ്ങളില്‍ പരമാവധി ദീര്‍ഘദൂര സര്‍വീസുകള്‍ നടത്താന്‍ കെ.എസ്.ആര്‍.ടി.സി തീരുമാനിച്ചിട്ടുണ്ട്.
