എന്തുകൊണ്ട് എല്ലാവര്‍ക്കും സൗജന്യമായി വാക്സിന് നല്‍കുന്നില്ല? കേന്ദ്രസര്‍ക്കാരിനോട് ഹൈക്കോടതി
ഡൂള്‍ന്യൂസ് ഡെസ്‌ക്
Monday, 24th May 2021, 11:41 am
കൊച്ചി: കേന്ദ്രസര്‍ക്കാരിന്റെ വാക്സിന് നയത്തിനെതിരെ ഹൈക്കോടതി. രാജ്യത്തെ പൗരന്‍മാര്‍ക്ക് എന്തുകൊണ്ട് സൗജന്യമായി വാക്സിന് നല്‍കുന്നില്ലെന്ന് ഹൈക്കോടതി ചോദിച്ചു.
സംസ്ഥാനങ്ങള്‍ സൗജന്യമായി വാക്സിന് കൊടുക്കണം എന്ന് പറയുന്നത് എന്തുകൊണ്ടാണെന്നും കോടതി ചോദിച്ചു. ഫെഡറലിസം നോക്കേണ്ട സമയം ഇതല്ലെന്നും കോടതി വ്യക്തമാക്കി.
എല്ലാവര്‍ക്കും സൗജന്യ വാക്സിന് നല്‍കാന്‍ വേണ്ടി വരുന്നത് ഏകദേശം 34,000 കോടി രൂപയാണ്. എന്നാല്‍ 54,000 കോടി രൂപ അധിക ലാഭവിഹിതമായി റിസര്‍വ് ബാങ്ക് സര്‍ക്കാരിനു നല്‍കിയിട്ടുണ്ട്.
ഈ തുക സൗജന്യമായി വാക്സിന് നല്‍കാന്‍ ഉപയോഗിച്ചുകൂടെ എന്നും കോടതി ചോദിച്ചു.
