ബെവ് ക്യൂ ആപ്പിനായി ഫെയര്‍കോഡിനെ തെരഞ്ഞെടുത്തതില്‍ ക്രമക്കേടെന്ന് ഹൈക്കോടതി; സൂം റെക്കോഡുകള്‍ നശിപ്പിക്കരുത്
ഡൂള്‍ന്യൂസ് ഡെസ്‌ക്
Tuesday, 9th June 2020, 2:24 pm
കൊച്ചി: മദ്യ വിതരണത്തിനായുള്ള ബെവ് ക്യൂ ആപ്പിനായി ഫെയര്‍കോഡ് കമ്പനിയെ തെരഞ്ഞെടുത്തത് നടപടി ക്രമങ്ങള്‍ പാലിക്കാതെയാണെന്ന് ഹൈക്കോടതി നിരീക്ഷണം. ഇക്കാര്യത്തില്‍ വിശദീകരണം ആവശ്യപ്പെട്ട് കോടതി സര്‍ക്കാരിന് നോട്ടീസ് നല്‍കി.
സ്റ്റാര്‍ട്ട്അപ്പ് മിഷന്റെ കോണ്‍ട്രാക്ട് ജീവനക്കാരനാണ് ഇന്റര്‍വ്യൂ നടത്തിയത്. ഇവരുമായി നടത്തിയ സൂം മീറ്റിങ്ങിന്റെ റെക്കോഡ് നശിപ്പിക്കരുതെന്നും കോടതി നിര്‍ദേശിച്ചു. കമ്പനിയെ തെരഞ്ഞെടുത്തതിന്റെ അടക്കം രേഖകളാണ് സൂക്ഷിക്കാന്‍ ആവശ്യപ്പെട്ടിരിക്കുന്നത്.
സീഡ് മാര്‍ക്കറ്റിങ് പ്രൈവറ്റ് ലിമിറ്റഡാണ് പരാതിയുമായി ഹൈക്കോടതിയെ സമീപിച്ചത്. നടപടിക്രമങ്ങള്‍ പാലിച്ചില്ല എന്ന ആരോപണമാണ് ഹര്‍ജിക്കാര്‍ ഉന്നയിച്ചത്.
