ഷവര്‍മയുണ്ടാക്കുന്നതിന് മാര്‍ഗനിര്‍ദേശങ്ങള്‍ ഏര്‍പ്പെടുത്തി സര്‍ക്കാര്‍
ഡൂള്‍ന്യൂസ് ഡെസ്‌ക്
Thursday, 1st September 2022, 5:12 pm
തിരുവനന്തപുരം: ഷവര്‍മയുണ്ടാക്കാന്‍ പ്രത്യേക നിര്‍ദേശങ്ങളുമായി സര്‍ക്കാര്‍. വൃത്തിഹീനമായ അന്തരീക്ഷത്തില്‍ ഷവര്‍മയുണ്ടാക്കിയാല്‍ അഞ്ച് ലക്ഷം രൂപ പിഴയടക്കണമെന്നും സര്‍ക്കാര്‍ ഉത്തരവില്‍ വ്യക്തമാക്കുന്നുണ്ട്.
തുറന്ന പരിസരത്തും പൊടി നിറഞ്ഞ അന്തരീക്ഷത്തിലും ഷവര്‍മയുണ്ടാക്കാന്‍ പാടില്ലെന്ന് സര്‍ക്കാര്‍ ഉത്തരവില്‍ പറയുന്നു. നാലു മണിക്കൂറിന് ശേഷം ബാക്കി വരുന്ന ഇറച്ചി ഷവര്‍മയില്‍ ഉപയോഗിക്കുന്നതിനും വിലക്കുണ്ട്. പാഴ്‌സല്‍ തീയതിയും സമയവും കൃത്യമായി രേഖപ്പെടുത്തണം.
