കേരളത്തില്‍ എല്‍.ഡി.എഫ് തുടര്‍ഭരണമെന്ന് എക്‌സിറ്റ് പോള്‍ ഫലങ്ങള്‍; 72 മുതല്‍ സീറ്റുകള്‍ പ്രവചിച്ച് റിപ്പബ്ലിക്ക് ടി.വിയും എന്‍.ഡി.ടിവിയും
ഡൂള്‍ന്യൂസ് ഡെസ്‌ക്
Thursday, 29th April 2021, 10:20 pm
തിരുവനന്തപുരം: കേരളത്തില്‍ എല്‍.ഡി.എഫിന് ഭരണ തുടര്‍ച്ചയുണ്ടാകുമെന്ന് വിവിധ മാധ്യമങ്ങളുടെ എക്‌സിറ്റ് പോള്‍ ഫലങ്ങള്‍. 72 സീറ്റുകള്‍ മുതല്‍ മുകളിലേക്ക് നേടി എല്‍.ഡി.എഫ് വീണ്ടും അധികാരത്തില്‍ വരുമെന്നാണ് വിവിധ സര്‍വേ ഫലങ്ങള്‍ പറയുന്നത്.
റിപ്പബ്ലിക് ടി.വി -സി.എന്‍.എക്സ് സര്‍വേ പ്രകാരം എല്‍.ഡി.എഫ് 72 മുതല്‍ 82 സീറ്റുകള്‍ നേടുമെന്നാണ് പ്രവചനം. യു.ഡി.എഫിന് 58 മുതല്‍ 64 സീറ്റുകളും എന്‍.ഡി.എയ്ക്ക് ഒരു സീറ്റ് മുതല്‍ 5 സീറ്റ് വരെയുമാണ് പ്രവചനം.
എന്‍.ഡി.ടി.വി പുറത്തുവിട്ട സര്‍വേ പ്രകാരം എല്‍.ഡി.എഫ് 85 സീറ്റുകള്‍ വരെ നേടാമെന്നാണ് പ്രവചനം. യു.ഡി.എഫ് 53 സീറ്റുകളിലും എന്‍.ഡി.എ 2 സീറ്റുകളിലും വിജയിക്കുമെന്നും എന്‍.ഡി.ടി.വി എക്‌സിറ്റ് പോള്‍ പ്രവചിക്കുന്നു.
