തിരുവനന്തപുരം: കേരളത്തില്‍ എല്‍.ഡി.എഫ് തരംഗമുണ്ടാകുമെന്ന് ഇന്ത്യാ ടുഡെ – ആക്‌സിസ് മൈ ഇന്ത്യ എക്‌സിറ്റ് പോള്‍ഫലം. 104 മുതല്‍ 120 സീറ്റുകള്‍ വരെ എല്‍.ഡി.എഫ് നേടുമെന്നാണ് പ്രവചനം.
യു.ഡി.എഫ് 20 മുതല്‍ 36 സീറ്റുകള്‍ ആയിരിക്കും നേടുകയെന്നും പ്രവചനത്തില്‍ പറയുന്നു. 40 വര്‍ഷത്തെ ചരിത്രം തിരുത്തിക്കുറിച്ച് കേരളത്തില്‍ ഭരണ തുടര്‍ച്ചയുണ്ടാകുമെന്നാണ് ഇന്ത്യ ടുഡെയുടെ പ്രവചനം.
എന്‍.ഡി.എ മുന്നണിക്ക് 0 മുതല്‍ 2 സീറ്റുകള്‍ വരെയായിരിക്കും ലഭിക്കാന്‍ സാധ്യതയെന്നും പ്രവചനം പറയുന്നു. 2016 ല്‍ എല്‍.ഡി.എഫ് 91 ഉം യു.ഡി.എഫ് 47 ഉം എന്‍.ഡി.എ ഒരു സീറ്റുമായിരുന്നു നേടിയത്. മറ്റുള്ളവര്‍ ഒരു സീറ്റും നേടി.
ഇന്ത്യ ടുഡെ എക്‌സിറ്റ് പോള്‍ ഫലപ്രകാരം എല്‍.ഡി.എഫിന് 47 ശതമാനം വോട്ടുകള്‍ ലഭിക്കുമെന്നാണ് പ്രവചനം. യു.ഡി.എഫിന് 38 ശതമാനവും ബി.ജെ.പിക്ക് 12 ശതമാനം വോട്ടുകളും ലഭിക്കും.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
