മനപൂര്‍വം ഉണ്ടാക്കിയ നരഹത്യ, പണം നല്‍കിയിട്ടും സൗകര്യം ഒരുക്കിയില്ല; ദേശീയ ഫെഡറേഷനെതിരെ കേരള സൈക്കിള്‍ പോളോ അസോസിയേഷന്‍
ഡൂള്‍ന്യൂസ് ഡെസ്‌ക്
Friday, 23rd December 2022, 12:53 pm
കൊച്ചി: കേരളത്തിന്റെ ദേശീയ സൈക്കിള്‍ പോളോ താരം നിദ ഫാത്തിമയുടെ മരണം
മനപൂര്‍വം ഉണ്ടാക്കിയ നരഹത്യയെന്ന് കേരളാ സൈക്കിള്‍ പോളോ അസോസിയേഷന്‍. ആള്‍ ഇന്ത്യ സൈക്കിള്‍ പോളോ ഫെഡറേഷനും കേരളത്തിലെ സമാന്തര സംഘടനയുമാണ് ഇതിന് ഉത്തരവാദികളെന്നും അസോസിയേഷന്‍ കുറ്റപ്പെടുത്തി.
കോടതിയലക്ഷ്യ ഹരജിയിലാണ് കുറ്റപ്പെടുത്തലുകളുള്ളത്. ഹരജി ജസ്റ്റിസ് വിജി അരുണ്‍ വെള്ളിയാഴ്ച പരിഗണിക്കും.
ഭക്ഷണത്തിനും താമസത്തിനുമായി 50,000 രൂപ നല്‍കിയിട്ടും മതിയായ സൗകര്യം ആള്‍ ഇന്ത്യ സൈക്കിള്‍ പോളോ ഫെഡറേഷന്‍ ഒരുക്കിയില്ലെന്നും കേരള സൈക്കിള്‍ പോളോ അസോസിയേഷന്‍ സെക്രട്ടറി ഇ.കെ. റിയാസ് പറഞ്ഞു.
ബി.എം.എസ് ഓഫീസിലാണ് ഇപ്പോഴും താമസിക്കുന്നതെന്നും ഭക്ഷണം പോലും ഫെഡറേഷന്‍ നല്‍കിയില്ലെന്നും അദ്ദേഹം ആരോപിച്ചു.
