കൊവിഡ് വാക്‌സിനേഷനില്‍ കേരളം മുന്നിലെന്ന് കേന്ദ്രസര്‍ക്കാര്‍; ദേശീയ ശരാശരിയേക്കാള്‍ കൂടുതലെന്ന് സത്യവാങ്മൂലം
ഡൂള്‍ന്യൂസ് ഡെസ്‌ക്
Wednesday, 11th August 2021, 5:59 pm
കൊച്ചി: കൊവിഡ് വാക്‌സിനേഷനില്‍ കേരളം ഏറെ മുന്നിലെന്ന് കേന്ദ്രസര്‍ക്കാര്‍. ഹൈക്കോടതിയിലാണ് കേന്ദ്രം ഇക്കാര്യം വ്യക്തമാക്കിയത്.
കേരളത്തില്‍ 55 ശതമാനം പേര്‍ ആദ്യ ഡോസ് വാക്സിന് സ്വീകരിച്ചു. ദേശീയതലത്തില്‍ ഇത് 42 ശതമാനമാണ്.
കേരളത്തില്‍ 22 ശതമാനം പേര്‍ രണ്ട് ഡോസ് വാക്‌സിനും സ്വീകരിച്ചു. ദേശീയ തലത്തില്‍ ഇത് 12 ശതമാനമാണ്.
അതേസമയം കേരളത്തിന് അധിക ഡോസ് വാക്സിന് നല്‍കിയതായി കേന്ദ്ര സര്‍ക്കാര്‍ പറഞ്ഞു. ജൂലൈയില്‍ 60 ശതമാനം അധിക വാക്സിനാണ് കേരളത്തില്‍ എത്തിച്ചത് എന്ന് കേന്ദ്ര സര്‍ക്കാര്‍ അവകാശപ്പെട്ടു.
