തിരുവനന്തപുരം: സംസ്ഥാനത്ത് 18 വയസിന് മുകളിലുള്ള 82.6 ശതമാനം പേരില്‍ കൊവിഡ് ആന്റിബോഡിയുണ്ടെന്ന് സിറോ സര്‍വെയില്‍ കണ്ടെത്തല്‍.
കുട്ടികളില്‍ 40.02%, 49 വയസുവരെയുള്ള സ്ത്രീകളില്‍ 65.4%, തീരമേഖലയില്‍ 87.7%, ചേരിപ്രദേശങ്ങളില്‍ 85.3% എന്നിങ്ങനെയാണ് ആന്റിബോഡി സാന്നിധ്യം.
സ്‌കൂള്‍ തുറക്കുന്നതിനു മുന്നോടിയായാണ് വിവിധ മേഖലകളിലെ ജനങ്ങള്‍ക്കിടയില്‍ പഠനം നടത്തിയത്. വാക്‌സിനേഷനാണ് പ്രതിരോധത്തിന്റെ പ്രധാന ഘടകമായി കണ്ടെത്തിയത്.
ആകെ വാക്‌സിനെടുത്തവര്‍ 3,66,19,693 പേരാണ്. ആദ്യ ഡോസെടുത്തവര്‍ 2,49,41,863 (93.38%). രണ്ടാം ഡോസെടുത്തവര്‍ 1,16,77,830 (43.72%).
സ്‌കൂള്‍ തുറക്കുന്നതിനു മുന്നോടിയായി പരമാവധി പേര്‍ക്കു വാക്‌സീന്‍ നല്‍കാനാണ് സര്‍ക്കാര്‍ ശ്രമം.
സ്‌കൂളുകള്‍ തുറക്കുമ്പോള്‍ ആശങ്കപ്പെടേണ്ട സാഹചര്യമില്ലെന്നാണു റിപ്പോര്‍ട്ട് വ്യക്തമാക്കുന്നതെന്ന് അധികൃതര്‍ പറഞ്ഞു.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Kerala Covid 19 Sero Survey result