ഞങ്ങളിനിയും ലോംഗ് റേഞ്ചറുകളടിച്ച് ഞെട്ടിക്കും, അതിനുള്ള പടപ്പുറപ്പാട് അണിയറയില്‍ ഒരുങ്ങുന്നുണ്ട്; വെളിപ്പെടുത്തലുമായി ഖബ്ര
സ്പോര്‍ട്സ് ഡെസ്‌ക്
Monday, 7th February 2022, 6:06 pm
കേരള ബ്ലാസ്റ്റേഴ്‌സിന്റെ കഴിഞ്ഞ മത്സരത്തില്‍ ആരാധകരെ ഏറെ ആവേശത്തിലാഴ്ത്തിയ നിമിഷമായിരുന്നു ആല്‍വെരോ വാസ്‌ക്വസിന്റെ ലോംഗ് റേഞ്ചര്‍.
മധ്യവരയ്ക്കിപ്പുറത്തു നിന്ന് നോര്‍ത്ത് ഈസ്റ്റിന്റെ വലയിലേക്ക് ആ പന്ത് പാഞ്ഞു കയറുമ്പോള്‍ ആരാധകര്‍ മാത്രമായിരുന്നില്ല, നോര്‍ത്ത് ഈസ്റ്റ് താരങ്ങളും അമ്പരപ്പിലായിരുന്നു.
59 മീറ്റര്‍ അകലെ നിന്നും അടിച്ചു കയറ്റിയ ഗോള്‍ ഐ.എസ്.എല്ലിലെ ഏറ്റവും ദൂരമേറിയ ഗോളായും ഇത് വിലയിരുത്തപ്പെടിയിരുന്നു.
എന്നാല്‍ ഇപ്പോഴിതാ ബ്ലാസ്റ്റേഴ്സ് താരങ്ങളുടെ ഭാഗത്ത് നിന്നും ഇനിയും ലോംഗ് റേഞ്ചര്‍ ഗോളുകള്‍ ഉണ്ടാകും എന്ന പ്രതീക്ഷ പങ്കുവെക്കുകയാണ് ബ്ലാസ്റ്റേഴ്സ് താരം ഖബ്ര.
