ഗ്യാലറിയില്‍ മഞ്ഞക്കടലില്ല; ആദ്യ എവേ മത്സരത്തില്‍ മുംബൈയോട് കീഴടങ്ങി ബ്ലാസ്റ്റേഴ്സ്
ഡൂള്‍ന്യൂസ് ഡെസ്‌ക്
Sunday, 8th October 2023, 10:24 pm
ഐ.എസ്.എല്ലില്‍ മുംബൈ സിറ്റിക്കെതിരായ മത്സരത്തില്‍ കേരള ബ്ലാസ്റ്റേഴ്സ് എഫ്.സിക്ക് തോല്‍വി. ഒന്നിനെതിരെ രണ്ട് ഗോളുകള്‍ക്കാണ് സീസണിലെ മൂന്നാം മത്സരത്തില്‍ മഞ്ഞപ്പട പരാജയപ്പെട്ടത്. ആദ്യ പകുതിയുടെ നിശ്ചിത സമയം വരെ ഗോള്‍രഹിത സമനിലയിലായ മത്സരത്തില്‍ അധിക സമയത്താണ് ബ്ലാസ്‌റ്റേഴ് ഗോള്‍ വഴങ്ങുന്നത്.
45+3 മിനിട്ടില്‍ ബ്ലാസ്റ്റേഴ്സ് പ്രതിരോധ നിരയുടെ ആശയക്കുഴപ്പം മുതലെടുത്ത് മുംബൈ സിറ്റിയുടെ അര്‍ജന്റൈനന്‍ സ്‌ട്രൈക്കര്‍ പേരേര ഡയസാണ് ആദ്യ ഗോള്‍ നേടിയത്. ഗോള്‍ കീപ്പര്‍ സച്ചിന്‍ സുരേഷിന്റ കയ്യില്‍ നിന്നുവഴുതിയ പന്ത് പേരേര ഡയസ് വലയിലേക്ക് തുടുത്തുവിടുകയായിരുന്നു.
ഈ ലീഡ് ഉടന്‍ തന്നെ മറികടക്കാന്‍ ബ്ലാസ്‌റ്റേഴ്‌സിനായി. രണ്ടാം പകുതിയുടെ 56ാം മിനിറ്റില്‍ മധ്യനിര താരം ഡാനിഷ് ഫാറൂഖിയിലൂടെയാണ് കേരള ബ്ലാസ്റ്റേഴ്സ് സമനില ഗോള്‍ കണ്ടെത്തിയത്.
