കേരള ബ്ലാസ്റ്റേഴ്‌സ് എഫ്.സി, ഇന്ത്യന്‍ സൂപ്പര്‍ ലീഗിന്റെ 2024-25 സീസണിനുള്ള ഔദ്യോഗിക സ്‌ക്വാഡിനെ പ്രഖ്യാപിച്ചു. 2024 സെപ്റ്റംബര്‍ 15ന് കൊച്ചി ജവഹര്‍ലാല്‍ നെഹ്‌റു ഇന്റര്‍നാഷണല്‍ സ്റ്റേഡിയത്തില്‍ നടക്കുന്ന ആദ്യ മത്സരത്തില്‍ പഞ്ചാബ് എഫ്.സിയാണ് എതിരാളികള്‍. ടൂര്‍ണമെന്റിനായി സ്വീഡിഷ് പരിശീലകന്‍ മൈക്കിള്‍ സ്റ്റാറെയുടെ നേതൃത്വത്തില്‍ ബ്ലാസ്റ്റേഴ്‌സ് ടീം തയ്യാറെടുത്തുകഴിഞ്ഞു.
28 അംഗ ടീമില്‍ ഏഴ് താരങ്ങള്‍ മലയാളികളാണ്. സച്ചിന്‍ സുരേഷ്, മുഹമ്മദ് അസ്ഹര്‍, രാഹുല്‍ കെ.പി, മുഹമ്മദ് സഹീഫ്, ശ്രീക്കുട്ടന്‍ എം.എസ്, വിബിന്‍ മോഹനന്‍, മുഹമ്മദ് അയ്മന്‍ എന്നിവരാണ് ടീമിലെ മലയാളികള്‍. അഡ്രിയാന്‍ ലൂണയാണ് തുടര്‍ച്ചയായ രണ്ടാം സീസണിലും ടീമിനെ നയിക്കുന്നത്. പ്രതിരോധ താരം മിലോസ് ഡ്രിന്‍ സിച്ചാണ് വൈസ് ക്യാപ്റ്റന്‍.
