ലോകത്തിന്റെ വിവിധ ഭാഗങ്ങളില്‍നിന്നുള്ള 1024 പേര്‍ പെസ് ആപ്പ് വഴി ഓണ്‍ലൈന്‍ ടൂര്‍ണമെന്റില്‍ പങ്കെടുക്കുന്നു. മുഖ്യമന്ത്രിയുടെ ദുരിതാശ്വാസനിധിയിലേക്കോ പ്രധാനമന്ത്രി കെയേര്‍സ് പദ്ധതിയിലേക്കോ ചുരുങ്ങിയത് 100 രൂപ സംഭാവന നല്‍കണമെന്നതാണ് നിബന്ധന.
ടൂര്‍ണമെന്റിന് സജ്ജീകരിച്ച പ്രത്യേക ഗൂഗിള്‍ ഫോമില്‍ വിവരങ്ങള്‍ അപ്ലോഡ് ചെയ്യുന്നതോടെ പങ്കെടുക്കാനുള്ള യോഗ്യതയാകും. ഇവരെ പ്രത്യേകമായി തയ്യാറാക്കിയ വാട്‌സാപ്പ് ഗ്രൂപ്പുകളില്‍ ചേര്‍ത്ത് നോക്കൗട്ട് രീതിയിലാണ് മത്സരങ്ങള്‍ നടത്തുന്നത്.
കാനഡ, ഇംഗ്ലണ്ട്, ദുബായ്, സൗദി തുടങ്ങിയ രാജ്യങ്ങളിലെ മലയാളികളും ഉദ്യമത്തില്‍ പങ്കാളികളായി. മത്സരങ്ങളില്‍ വിജയി മുതല്‍ അവസാന നാല് റൗണ്ടില്‍ എത്തുന്നവര്‍ക്കുവരെ സമ്മാനങ്ങളുമുണ്ട്.
