ഒരു തവണ എം.എല്‍.എ ആയിരുന്നു, അല്ലാതെ മറ്റു ബന്ധങ്ങളൊന്നുമില്ല; നേമത്തെക്കുറിച്ച് ഒ. രാജഗോപാല്‍
ഡൂള്‍ന്യൂസ് ഡെസ്‌ക്
Tuesday, 6th April 2021, 11:25 am
തിരുവനന്തപുരം: നേമം മണ്ഡലത്തില്‍ ഒരു തവണ എം.എല്‍.എ ആയതല്ലാതെ തനിക്ക് വേറേ ബന്ധമൊന്നുമില്ലെന്ന് ഒ. രാജഗോപാല്‍ എം.എല്‍.എ. നേമത്തെ തെരഞ്ഞെടുപ്പ് ചിത്രത്തെ സംബന്ധിച്ചുള്ള മാധ്യമപ്രവര്‍ത്തകരുടെ ചോദ്യത്തോടായിരുന്നു അദ്ദേഹത്തിന്റെ മറുപടി.
ഇരുമുന്നണികളും മാറി മാറി ഭരിക്കുന്ന കേരളത്തില്‍ ഒരു ഭരണമാറ്റം ഉണ്ടാകണമെന്നും അതിനായാണ് താന്‍ വോട്ട് ചെയ്തതെന്നും ഒ. രാജഗോപാല്‍ പറഞ്ഞു.
കഴിഞ്ഞ ദിവസം നേമത്ത് യു.ഡി.എഫ് സ്ഥാനാര്‍ത്ഥി കെ. മുരളീധരനെതിരെ വാഹനം ബി.ജെ.പി പ്രവര്‍ത്തകര്‍ തടഞ്ഞു നിര്‍ത്തുകയും വാഹനത്തിന് നേരെ കല്ലെറിയുകയും ചെയ്തിരുന്നു. ഇത് ശരിയായ ഏര്‍പ്പാടല്ലെന്നും രാജഗോപാല്‍ പറഞ്ഞു. പലരോടും അഭിപ്രായ വ്യത്യാസം ഉണ്ടാകും എന്നുകരുതി കല്ലെറിയുന്നതൊന്നും ശരിയല്ലെന്നാണ് രാജഗോപാല്‍ പറഞ്ഞത്.
