കൊച്ചി: മികച്ച നടിക്കുള്ള മെല്‍ബണ്‍ ഇന്ത്യന്‍ ഫെസ്റ്റിവലിന്റെ 2017 പതിപ്പിന്റെ മികച്ച നടിക്കുള്ള നോമിനേഷനില്‍ നടി കാവ്യാ മാധവനും.
മികച്ച നടിമാരുടെ പട്ടികയില്‍ ആലിയാ ഭട്ട്, വിദ്യാ ബാലന്‍, കൊങ്കണ സെന്‍ ശര്‍മ്മ, തനിഷ്ട ചാറ്റര്‍ജി എന്നിവരോടൊപ്പമാണ് കാവ്യയുടെ പേരും ഉള്ളത്.
അടൂര്‍ ഗോപാലകൃഷ്ണന്‍ സംവിധാനം ചെയ്ത പിന്നെയും എന്ന ചിത്രത്തിലെ പ്രകടനത്തിന്റെ മികവിലാണ് കാവ്യ പട്ടികയില്‍ ഇടം നേടിയത്. മികച്ച നടന്‍മാരുടെ നോമിനേഷന്‍ പട്ടികയില്‍ അമിതാബ് ബച്ചന്‍, ആമിര്‍ഖാന്‍, ആദില്‍ ഹുസൈന്‍, രാജ്കുമാര്‍ റാവു, ഹൃതിക് റോഷന്‍, ലളിത് ബേല്‍ , സുശാന്ത് സിംഗ് രാജ്പുത് എന്നിവരാണുള്ളത്.
മികച്ച സിനിമക്കുള്ള പട്ടികയില്‍ ആയി ദേ മുഷ്‌കില്‍, സുല്‍ത്താന്‍, ജോക്കര്‍, എംഎസ് ധോണി എന്നീ ചിത്രങ്ങളാണുള്ളത്.