പ്രിൻസ് പിക്‌ചേഴ്‌സിന്റെ നിർമാണത്തിൽ കാർത്തിയെ നായകനാക്കി പി. എസ് മിത്രൻ സംവിധാനം ചെയ്ത ബ്ലോക്ക്ബസ്റ്റർ ചിത്രം ‘സർദാർ’ന്റെ രണ്ടാംഭാഗം എത്തുന്നു.
സർദാർ 2 എന്ന് പേരിട്ടിരിക്കുന്ന ചിത്രത്തിന്റെ ഷൂട്ടിങ് 2024 ജൂലൈ 15ന് ചെന്നൈയിലെ ഗംഭീരമായ സെറ്റിൽ ആരംഭിക്കും. എസ് ലക്ഷ്മൺ കുമാർ നിർമാതാവും എ.വെങ്കിടേഷ് സഹനിർമാതാവുമായ ചിത്രത്തിന് യുവൻ ശങ്കർ രാജയാണ് സംഗീതം പകർന്നത്. ജോർജ്ജ് സി. വില്യംസാണ് ഛായാഗ്രാഹകൻ. ചിത്രത്തിന്റെ പൂജ കഴിഞ്ഞു.
2022 ഒക്ടോബർ 21നാണ് ‘സർദാർ’ റിലീസ് ചെയ്തത്. ചിത്രസംയോജനം: വിജയ് വേലുക്കുട്ടി, സ്റ്റണ്ട് ഡയറക്ടർ: ദിലീപ് സുബ്ബരായൻ, പ്രൊഡക്ഷൻ ഡിസൈനർ: രാജീവൻ നമ്പ്യാർ, പ്രൊഡക്ഷൻ എക്സിക്യൂട്ടീവ്: എ.പി പാൽ പാണ്ടി, പി.ആർ.ഒ: ശബരി.
ലോകേഷ് കനകരാജ് ചിത്രം കൈതി 2, സൂപ്പർ ഹിറ്റ്‌ ചിത്രം ധീരൻ അധികാരം ഒന്നിന്റെ രണ്ടാം ഭാഗം തുടങ്ങിയവയെല്ലാം കാർത്തിയുടെ വരാനിരിക്കുന്ന ചിത്രങ്ങളാണ്. കാർത്തി, രജിഷ വിജയൻ, റാഷി ഖന തുടങ്ങിയവർ ഒന്നിച്ച ആദ്യ സർദാറിൽ ഇൻസ്‌പെക്ടർ വിജയ് പ്രകാശ് എന്ന കഥാപാത്രമായാണ് കാർത്തി എത്തിയത്.
Content Highlight: Karthi’s Sardar 2 Shooting Begins On july 15
