നാലാം ദിനം സീസറിന്റെ മുന്നേറ്റം; ബോക്‌സ് ഓഫീസില്‍ ദുരന്തമായി കാര്‍ത്തിയുടെ ജപ്പാന്‍
എന്റര്‍ടെയിന്‍മെന്റ് ഡെസ്‌ക്
Wednesday, 15th November 2023, 2:56 pm
ബോക്‌സ് ഓഫീസില്‍ മൂക്ക് കുത്തി കാര്‍ത്തിയുടെ ചിത്രം ജപ്പാന്‍. 80 കോടി മുടക്കി നിര്‍മിച്ച ചിത്രത്തിന് നാല് ദിവസം കൊണ്ട് 18 കോടി മാത്രമാണ് നേടാനായത്. കേരളമുള്‍പ്പെടെ തമിഴ്‌നാടിന് പുറത്തുള്ള സെന്ററുകളില്‍ നിന്നും ചിത്രം തകര്‍ന്നടിഞ്ഞു. കേരളത്തില്‍ നിന്നും ജപ്പാന്‍ ഇതുവരെ 35 ലക്ഷമാണ് നേടിയതെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.
നവംബര്‍ പത്തിനാണ് ജപ്പാന്‍ റിലീസ് ചെയ്തത്. രാജു മുരുകന്‍ സംവിധാനം ചെയ്ത ചിത്രത്തിന് റിലീസ് ദിനം മുതല്‍ വലിയ വിമര്‍ശനം നേരിട്ടിരുന്നു. തിരക്കഥയില്‍ പാളിച്ച പറ്റിയെന്നും കാര്‍ത്തി ഒഴിവാക്കേണ്ട സിനിമ ആയിരുന്നു ഇതെന്നുമാണ് അഭിപ്രായങ്ങള്‍ വന്നത്.
