ഹിജാബ് ധരിക്കാതെ പരീക്ഷയെഴുതില്ല; മുസ്‌ലിം പെണ്‍കുട്ടികള്‍ യൂണിവേഴ്സിറ്റി പരീക്ഷ ബഹിഷ്‌കരിച്ചു
ഡൂള്‍ന്യൂസ് ഡെസ്‌ക്
Wednesday, 30th March 2022, 2:25 pm
ഉഡുപ്പി: ഹിജാബ് നിരോധനത്തിന്റെ പേരില്‍ കര്‍ണാടകയില്‍ 40 മുസ്‌ലിം പെണ്‍കുട്ടികള്‍ ചൊവാഴ്ച നടന്ന പ്രഥമ പ്രീ-യൂണിവേഴ്സിറ്റി പരീക്ഷയെഴുതാതെ വിട്ടുനിന്നു.
ഹിജാബ് ധരിക്കാതെ പരീക്ഷക്ക് എത്താന്‍ സാധിക്കില്ലെന്നായിരുന്നു പെണ്‍കുട്ടികള്‍ പറഞ്ഞത്.
ക്ലാസ് മുറികളില്‍ ഹിജാബ് ധരിക്കാനനുവദിക്കണമെന്നാവശ്യപ്പെട്ട് ഹരജി നല്‍കിയ കുന്ദാപ്പൂരില്‍ നിന്നുള്ള 24 പെണ്‍കുട്ടികളും ബൈന്ദൂരില്‍ നിന്നുള്ള 14 പേരും ഉഡുപ്പി ഗവണ്‍മെന്റ് ഗേള്‍സ് പി.യു കോളേജിലെ രണ്ട് വിദ്യാര്‍ത്ഥിനികളും പരീക്ഷയില്‍ നിന്ന് വിട്ടുനിന്നവരില്‍ ഉള്‍പ്പെടുന്നുണ്ട്. നേരത്തെ പ്രാക്ടിക്കല്‍ പരീക്ഷകളും പെണ്‍കുട്ടികള്‍ ബഹിഷ്‌കരിച്ചിരുന്നു.
