ഗോ പൂജയ്ക്കിടെ അണിയിച്ച 80000 രൂപയുടെ സ്വര്‍ണാഭരണം പശു വിഴുങ്ങി; ഒരു മാസത്തോളം ചാണകം പരിശോധിച്ചിട്ടും നോ രക്ഷ, ഒടുവില്‍ ശസ്ത്രക്രിയ
ഡൂള്‍ന്യൂസ് ഡെസ്‌ക്
Sunday, 12th December 2021, 11:56 am
ബെംഗളൂരു: ഗോ പൂജയ്ക്കിടെ പശു വിഴുങ്ങിയ സ്വര്‍ണാഭരണം ശസ്ത്രക്രിയയിലൂടെ പുറത്തെടുത്തു. ഉത്തരകര്‍ണാടകയിലെ ഹീപാന്‍ഹള്ളിയിലെ സിര്‍സി താലൂക്കിലാണ് സംഭവം.
ശ്രീകാന്ത് ഹെഗ്‌ഡെ എന്നയാള്‍ ദീപാവലിയോടനുബന്ധിച്ച് നടത്തിയ ഗോ പൂജയ്ക്കിടെയാണ് 80000 രൂപ വിലവരുന്ന ആഭരണം പശു വിഴുങ്ങിയത്. ഗോ പൂജ സമയത്ത് പൂക്കള്‍ കൊണ്ടുള്ള മാലയോടൊപ്പം ആഭരണങ്ങളും പശുവിനെ അണിയിച്ചിരുന്നു.
പിന്നീട് ഇവ എടുത്ത് മാറ്റി പശുവിനെ കെട്ടിയിട്ടിരുന്നതിന് സമീപത്ത് വെച്ചിരുന്നു. ഇതിനിടെയാണ് സ്വര്‍ണാഭരണങ്ങള്‍ കാണാതായത്.
വീട് മുഴുവന്‍ തിരഞ്ഞെങ്കിലും ഇത് കണ്ടെത്താനായില്ല. സ്വര്‍ണം പശു വിഴുങ്ങിയതാവുമെന്ന സംശയത്തെ തുടര്‍ന്ന് ഒരു മാസത്തോളം ഇവര്‍ പശുവിന്റെ ചാണകം സ്ഥിരമായി പരിശോധിച്ചിരുന്നു.
