അതിഥി തൊഴിലാളികള്‍ക്ക് ജന്മനാട്ടിലേക്ക് മടങ്ങാന്‍ ഒരു കോടി രൂപ നല്‍കി കര്‍ണാടക കോണ്‍ഗ്രസ്; ടിക്കറ്റ് തുക തൊഴിലാളികളുടെ കൈയ്യില്‍ നിന്നും വാങ്ങിയ സര്‍ക്കാര്‍ നടപടിക്കെതിരെ വിമര്‍ശനം
ഡൂള്‍ന്യൂസ് ഡെസ്‌ക്
Sunday, 3rd May 2020, 4:27 pm
ബെംഗലൂരു: സംസ്ഥാനത്ത് നിന്ന് ജന്മനാട്ടിലേക്ക് മടങ്ങിപോവുന്ന അതിഥി തൊഴിലാളികളില്‍ നിന്ന് യാത്രാക്കൂലി ഈടാക്കിയ കര്‍ണാടക സര്‍ക്കാരിന്റെ നടപടിക്കെതിരെ വിമര്‍ശനവുമായി കോണ്‍ഗ്രസ്. തൊഴിലാളികളെ സൗജന്യമായി നാട്ടിലെത്തിക്കണമെന്ന് ആവശ്യപ്പെട്ട കോണ്‍ഗ്രസ് സംസ്ഥാന ട്രാന്‍സ്‌പോര്‍ട്ട് കോര്പ്പറേഷന് ഒരു കോടി രൂപ സംഭാവന നല്‍കി.
ലോക്ഡൗണില്‍ ഇളവുകള്‍ പ്രഖ്യാപിച്ചതോടെ അതിഥി തൊഴിലാളികളെ നാട്ടിലേക്ക് മടങ്ങി പോകുവാന്‍ അനുവദിച്ചിരുന്നു. ഇതിന് വേണ്ടി സ്‌പെഷ്യല്‍ ബസ്സുകളും ട്രെയിനും ഏല്‍പ്പാടാക്കിയിരുന്നു. എന്നാല്‍ ബസ്സുകളുടെ സേവനം ഉറപ്പ് വരുത്തുന്നതില്‍ വീഴ്ച വരുത്തി എന്നാണ് കോണ്‍ഗ്രസ് ആരോപിക്കുന്നത്.
