ബെംഗളൂരു: കര്‍ണാടക മുഖ്യമന്ത്രി ബി.എസ് യെദിയൂരപ്പയെ ആശുപത്രിയില്‍ പ്രവേശിപ്പിച്ചു. രണ്ട് ദിവസമായി പനി അനുഭവപ്പെട്ടതിനെ തുടര്‍ന്നാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചു.
രണ്ട് ദിവസം മുന്‍പ് നടത്തിയ പരിശോധനയില്‍ അദ്ദേഹത്തിന് കൊവിഡ് നെഗറ്റീവാണെന്നായിരുന്നു കണ്ടെത്തിയിരുന്നത്. രോഗലക്ഷണങ്ങള്‍ കാണിച്ചതിനാല്‍ അദ്ദേഹത്തെ ഒരിക്കല്‍ കൂടി പരിശോധനയ്ക്ക് വിധേയമാക്കുമെന്ന് ആശുപത്രി അധികൃതര്‍ അറിയിച്ചു.
അതേസമയം രാജ്യത്ത് കൊവിഡ് കേസുകളുടെ എണ്ണം കുതിച്ചുയര്‍ന്നിരിക്കുകയാണ്. പ്രതിദിനം രണ്ട് ലക്ഷത്തിലേറെ പേര്‍ക്കാണ് പുതുതായി കൊവിഡ് സ്ഥിരീകരിക്കുന്നത്. ദിവസവും ആയിരത്തിലേറെ കൊവിഡ് മരണങ്ങളും റിപ്പോര്‍ട്ട് ചെയ്യുന്നുണ്ട്.
ജൂണ്‍ മാസമാകുമ്പോഴേക്കും കൊവിഡ് കേസുകള്‍ വീണ്ടും വര്‍ധിക്കുമെന്നും പ്രതിദിന മരണനിരക്ക് 2000 കടക്കുമെന്നാണ് പുതിയ പഠന റിപ്പോര്‍ട്ടില്‍ പറയുന്നത്.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Karnataka CM B. S. Yediyurappa hospitalized due to Covid 19 symptoms