കൊച്ചി: യുവ നടന് ധീരജ് ഡെന്നി നായകനാവുന്ന കര്‍ണ്ണന്‍ നെപ്പോളിയന്‍ ഭഗത് സിംഗ് എന്ന ചിത്രത്തിലെ ആദ്യ ഗാനം പുറത്തിറങ്ങി. ഗായകന്‍ ഉണ്ണി മേനോന്‍ പാടിയ കാതോര്‍ത്തു കാതോര്‍ത്തു എന്ന ഗാനമാണ് പുറത്തുവിട്ടത്.
ഫസ്റ്റ് പേജ് എന്റര്‍ടെയ്ന്‍മെന്റിന്റെ ബാനറില്‍ മോനു പഴേടത്ത് നിര്‍മ്മിക്കുന്ന കര്‍ണന്‍ നെപ്പോളിയന്‍ ഭഗത്സിംഗ് എഴുതി സംവിധാനം ചെയ്തിരിക്കുന്നത് ശരത് ജി മോഹനാണ്.
ഒരു സാങ്കല്‍പിക ഗ്രാമ പശ്ചാത്തലത്തില്‍ ഒരുങ്ങുന്ന ചിത്രം കോമഡിക്കും ക്രൈം ത്രില്ലറിനും ഒരുപോലെ പ്രാധാന്യം നല്‍കുന്ന ചിത്രമാണ് കര്‍ണന്‍ നെപ്പോളിയന്‍ ഭഗത് സിംഗ്.
മലയാള സിനിമയിലെ നാല്‍പതോളം നടീനടന്‍മാരാണ് ഈ ചിത്രത്തിലുള്ളത്. എല്‍ദോ മാത്യൂ, അല്‍ത്താഫ് സലീം, അനീഷ് ഗോപാല്‍, ഇന്ദ്രന്‍സ്, ജോയ് മാത്യൂ, നന്ദു, ജാഫര്‍ ഇടുക്കി, സുധീര്‍ കരമന, റോണി ഡേവിഡ്, വിജയകുമാര്‍, കൊച്ചുപ്രേമന്‍, സുനില്‍ സുഖദ, ബോബന്‍ സാമുവേല്‍, അബു സലീം, നാരായണന്‍കുട്ടി, ബിജുകുട്ടന്‍, ബിനു അടിമാലി, ഉല്ലാസ് പന്തളം, ബാലാജി, അപ്പാ ഹാജ, വിഷ്ണു പുരുഷന്‍, കണ്ണന്‍ സാഗര്‍, പ്രസാദ് മുഹമ്മ, ഷൈജു അടിമാലി, കോട്ടയം പദ്മന്‍, ഷിന്‍സ്, സന്തോഷ്, ആദ്യാ പ്രസാദ്, ആര്യാ മണികണ്ഠന്‍, ശ്രീലക്ഷ്മി, സേതുലക്ഷ്മിയമ്മ, കുളപ്പുള്ളി ലീലാ, മോളി കണ്ണമ്മാലി, രശ്മി ബോബന്‍, ഷൈനി സാറാ, അമ്പിളി നിലമ്പൂര്‍, ദേവകിയമ്മ, വിനീഷാ എന്നിവര്‍ക്കൊപ്പം നിരവധി പുതുമുഖങ്ങളും ചിത്രത്തിലുണ്ട്.
റഫീഖ് അഹമ്മദ്, ബി.കെ ഹരിനാരായണന്‍, അജീഷ് ദാസന്‍, ശരത് ജി മോഹന്‍ എന്നിവരുടെ രചനയില്‍ അഞ്ച് ഗാനങ്ങളാണ് ചിത്രത്തിലുള്ളത്. സംഗീതം രഞ്ജിന്‍ രാജ്. കെ.എസ് ഹരിശങ്കര്‍, ഉണ്ണി മേനോന്‍, കണ്ണൂര്‍ ഷെരീഫ്, സിയാ ഉള്‍ഹഖ്, രഞ്ജിന്‍ രാജ് എന്നിവരാണ് ഗാനങ്ങള്‍ ആലപിച്ചിരിക്കുന്നത്.
എഡിറ്റിങ് റെക്സണ്‍ ജോസഫും ഛായാഗ്രഹണം പ്രശാന്ത് കൃഷ്ണയും നിര്‍വഹിച്ചിരിക്കുന്നു. കലാ സംവിധാനം ത്യാഗൂ തവനൂര്‍, വസ്ത്രാലങ്കാരം സമീറാ സനീഷ്, പി.ആര്‍.ഒ വാഴൂര്‍ ജോസ്, ആതിരാ ദില്‍ജിത്ത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം,പേജുകളിലൂടെയും വാട്സാപ്പിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക