കര്‍ഷകസമരത്തിന്റെ ചോര പുരണ്ട മണ്ണാണ് കരിവെള്ളൂര്‍. സാമ്രാജ്യവിരുദ്ധപ്പോരാട്ടങ്ങളുടെ, ദേശീയ സമരങ്ങളുടെ കളരികൂടിയാണ് ഈ കര്‍ഷകസമരങ്ങള്‍. കരിവെള്ളൂരിനെ കമ്മ്യൂണിസ്റ്റ് ഭൂപടത്തില്‍ വരച്ചുചേര്‍ത്ത കര്‍ഷകസമരങ്ങളുടെ അടിവേരുകള്‍ ചികയുകയാണ് ഈ പുസ്തകത്തില്‍ സമരനായകന്റെ മകന്‍ കൂടിയായ ലേഖകന്‍.
ബുക്ക് ന്യൂസ്/ടി.പി സക്കറിയ
പുസ്തകം: കരിവെള്ളൂര്‍: ചരിത്രം, സമരം, ജീവിതം
എഴുത്തുകാരന്‍: കരിവെള്ളൂര്‍ മുരളി
വിഭാഗം:ചരിത്രം
വില: 210രൂപ
പ്രസാധകര്‍: ഡിസംബര്‍ ബുക്‌സ്, പയ്യന്നൂര്‍
കേരളത്തിന്റെ രാഷ്ട്രീയമനസ്സ് രൂപപ്പെടുത്തുന്നതില്‍ ഈ കേരളക്കരയില്‍ നടന്ന ചെറുതും വലുതുമായ എണ്ണമറ്റ രാഷ്ട്രീയസമരങ്ങളും കര്‍ഷകസമരങ്ങളും അതിന്റെതായ പങ്കുവഹിച്ചിട്ടുണ്ട്.
പുന്നപ്രവയലാറും കയ്യൂരും കരിവെള്ളൂരുമെല്ലാം കേരളത്തിന്റെ രാഷ്ടീയമനസ്സ് രൂപപ്പെടുത്തിയ ഇടങ്ങളാണ്. ഈ രാഷ്ട്രീയ ഭൂമികകളെക്കുറിച്ചുള്ള സമഗ്രമായ ചരിത്രാന്വേഷണങ്ങള്‍ ഇതുവരെ നടന്നിട്ടില്ല.
പണ്ഡിതര്‍ക്ക് പലപ്പോഴും അവ വെറും പേരുകള്‍ മാത്രമാണ്. ആദ്യകാല കര്‍ഷകസമരങ്ങളും സാമ്രാജ്യവിരുദ്ധ ദേശീയ സമരങ്ങളും കേരളത്തിന്റെ മനോഘടന രൂപപ്പെടുത്തുന്നതില്‍ വഹിച്ച പങ്കെന്തെന്ന് ഇനിയും അന്വേഷിക്കേണ്ടതായിട്ടാണിരിക്കുന്നത്.
ഈ വിപ്ലവങ്ങളില്‍ പങ്കെടുത്തവരോ അതിന്ന് നേതൃത്വം നല്‍കിയ സംഘടനകളോ പ്രസിദ്ധീകരിച്ച ചെറു ലേഖനങ്ങളോ കുറിപ്പുകളോ അവയുടെ വാര്‍ഷിക സോവനീറുകളില്‍ പൊടിഞ്ഞുതീരുന്നു.
ഇടയ്ക്ക് വിപ്ലവം നടന്ന ദേശങ്ങളിലെ ആളുകളുടെ ഓര്‍മ്മകളില്‍ നിന്ന് അവ പൊടി തട്ടി ഉയിര്‍ത്തെഴുന്നേല്‍ക്കാറുണ്ട്. അത്തരമൊരു ഉയിര്‍പ്പാണ് കരിവെള്ളൂര്‍ മുരളിയുടെ പുസ്തകം. കരിവെള്ളൂര്‍ : ചരിത്രം ,സമരം ,ജീവിതം. (ഡിസംബര്‍ ബുക്സ്സ് പയ്യന്നൂര്‍.)
കര്‍ഷകസമരത്തിന്റെ ചോര പുരണ്ട മണ്ണാണ് കരിവെള്ളൂര്‍. സാമ്രാജ്യവിരുദ്ധ പ്പോരാട്ടങ്ങളുടെ ,ദേശീയ സമരങ്ങളുടെ കളരികൂടിയാണ് ഈ കര്‍ഷകസമരങ്ങള്‍. കരിവെള്ളൂരിനെ കമ്മ്യൂണിസ്റ്റ് ഭൂപടത്തില്‍ വരച്ചുചേര്‍ത്ത കര്‍ഷകസമരങ്ങളുടെ അടിവേരുകള്‍ ചികയുകയാണ് ഈ പുസ്തകത്തില്‍ സമരനായകന്റെ മകന്‍ കൂടിയായ ലേഖകന്‍.
കരിവെള്ളൂരിന്റെ ചരിത്രം രേഖപ്പെടുത്തല്‍ തന്റെ ജീവിതദൗത്യമാണെന്ന് ലേഖകന്‍ കരുതുന്നു. കരിവെള്ളൂരിന്റെ രാഷ്ട്രീയ സാംസ്‌കാരികചരിത്രം പൊതുവില്‍ വടക്കേ മലബാറിന്റെ രാഷ്ട്രീയ ചരിത്രം തന്നെയാണെന്ന് ലേഖകന്‍ തിരിച്ചറിയുന്നുണ്ട്.
പക്ഷെ ഈ പൊതു രാഷ്ട്രീയ ഇടത്തിലും കരിവെള്ളൂരിന്റെ സ്വത്വം അനേഷിക്കുകയാണ് ലേഖകന്‍. കരിവെള്ളൂരിന്റെ രാഷ്ട്രീയവും സാംസ്‌കാരികവും ഭൂപരവുമായ പ്രത്യേകതകള്‍ അദ്ദേഹം പരിശോധിക്കുന്നു.
കരിവെള്ളൂരിലെയും പരിസരപ്രദേശങ്ങളിലെയും പ്രാചീനമനുഷ്യവാസവ്യവസ്ഥയെയും രാജഭരണവ്യവസ്ഥയെയും ലേഖകന്‍ സാമാന്യമായി പരിചയപ്പെടുത്തുന്നുണ്ട്.
ഭൂബന്ധങ്ങളും സാമൂഹിക പശ്ചാത്തലവും എന്ന അദ്ധ്യായം അക്കാലത്തെ കാര്‍ഷിക കേരളം അനുഭവിച്ച പീഡാനുഭവങ്ങളുടെയും ദുരിതങ്ങളുടെയും നേര്‍ ചിത്രമാകുന്നു.
കോലത്തിരിയുടെ കീഴിലുള്ള പഴയ ചിറക്കല്‍ രാജവംശത്തില്‍ പെട്ടതാണ് പയ്യന്നൂരും കരിവെള്ളൂരും മറ്റ് പരിസരപ്രദേശങ്ങളും. പ്രാദേശിക പ്രമാണിമാരെ കീഴ്‌പ്പെടുത്തി ചിറക്കല്‍ കോവിലകം കരിവെള്ളൂരിലെ ഭൂമിയുടെ അവകാശവും ക്ഷേത്രത്തിന്റെ ഊരായ്മയും കൈവശപ്പെടുത്തി.
കൃഷിഭൂമി പ്രാദേശിക ജന്മിമാരുടെയും ചിറക്കല്‍ രാജാവിന്റെയും കൈയ്യിലായതോടെ സാധാരണ കൃഷിക്കാരും കുടിയാന്മാരും സാമ്പത്തിക ചൂഷണങ്ങള്‍ക്കിരയായി. നാടുവാഴികള്‍, ദേശവാഴികള്‍, മുഖ്യസ്ഥന്മാര്‍ എന്നിങ്ങനെ പ്രവര്‍ത്തിച്ച അധികാരവ്യവസ്ഥയുടെ പ്രയോക്താക്കള്‍ കാര്യസ്ഥന്മാരായിരുന്നു.
ബ്രിട്ടീഷ് സാമ്രാജ്യത്തിന്റെ ഭീഷണികളും നികുതിനിയമങ്ങളും ഒരുവശത്ത്. കോവിലകം കാര്യസ്ഥമാരുടെ ചൂഷണവും കൊടിയ പീഢനവും മറുവശത്തും.അക്കാലത്തെ താഴെത്തട്ടിലെ ജനജീവിതം ദുസ്സഹമായിരുന്നു.
ഭൂമിയുടെമേല്‍ പലതരം വാടകകള്‍ ചുമത്തപ്പെട്ടു. കുഴിക്കാണം, കൊഴുക്കാണം, വെറും പാട്ടം, കുടിയിരിപ്പ് എന്നിങ്ങനെ ഭൂമിയും വ്യക്തിയും തമ്മിലുള്ള ബന്ധത്തെ ഭൂമിവാടകയുടെ അടിസ്ഥാനത്തില്‍ പുനര്‍നിര്‍വചിക്കപ്പെട്ടു.
അടുത്ത പേജില്‍ തുടരുന്നു
പയ്യന്നൂരിന്റെ രാഷ്ട്രീയാവബോധം രൂപപ്പെടുന്നത് നിരവധി രാഷ്ട്രീയസമരങ്ങളിലൂടെയും ബഹുമുഖമായ സാംസ്‌കാരിക പ്രവര്‍ത്തനങ്ങളിലൂടെയുമാണ്. അതില്‍ പലതിന്റെയും തുടക്കം കരിവെള്ളൂരില്‍ നിന്നാണെന്ന് ലേഖകന്‍ കണ്ടെത്തുന്നു.
പലതരം പാട്ടങ്ങള്‍ സാധരണ ജനങ്ങളെ വരിഞ്ഞുമുറുക്കി. ഭൂമിയും കൃഷിക്കാരനും തമ്മിലുള്ള ബന്ധം രാഷ്ട്രീയമായിത്തീരുന്നതെങ്ങനെയെന്ന് ഈ അധ്യായത്തില്‍ ലേഖകന്‍ അന്വേഷിക്കുന്നു.
പയ്യന്നൂരിന്റെ രാഷ്ട്രീയാവബോധം രൂപപ്പെടുന്നത് നിരവധി രാഷ്ട്രീയസമരങ്ങളിലൂടെയും ബഹുമുഖമായ സാംസ്‌കാരിക പ്രവര്‍ത്തനങ്ങളിലൂടെയുമാണ്. അതില്‍ പലതിന്റെയും തുടക്കം കരിവെള്ളൂരില്‍ നിന്നാണെന്ന് ലേഖകന്‍ കണ്ടെത്തുന്നു.
അക്കാലത്ത് മുഴങ്ങിക്കേട്ട, ജനതതിയുടെ സാംസകാരിക ഉണര്‍വിന്ന് കരുത്തേകിയ മുദ്രാവാക്യങ്ങളിലെയും സമരഗീതങ്ങളെയും വരികള്‍ ലേഖകന്‍ ഉദ്ധരിക്കുന്നു. പൂര്‍വസൂരികളായ പണ്ഡിതരെ ലേഖകന്‍ ബഹുമാനപുരസ്സരം ഓര്‍മ്മിക്കുന്നു. ഐതീഹ്യമാനമുള്ള അവരുടെ ജീവിതം അതേ കെട്ടുകഥാസ്വഭാവത്തോടെ ആഖ്യാനം ചെയ്യുന്നു.
കോണ്‍ഗ്രസ്സിന്റെ നാലാം അഖിലകേരള രാഷ്ട്രീയ സമ്മേളനം 1928 ല്‍ പയ്യന്നൂരിലാണ് നടന്നത്. പയ്യന്നൂരിന്റെ രാഷ്ട്രീയദിശ നിര്‍ണ്ണയിക്കുന്നതില്‍ ഈ സമ്മേളനം വലിയ പങ്കു വഹിച്ചു.
സമ്മേളനത്തിന്റെ വിശദാംശങ്ങള്‍ ലേഖകന്‍ നിരത്തുന്നുണ്ട്. പയ്യന്നൂരില്‍ പില്‍ക്കാലത്ത് ഉയര്‍ന്നുവന്ന സുബ്രഹ്മണ്യ ഷേണായിയെ പോലുള്ള രാഷ്ട്രീയ നേതൃത്വങ്ങള്‍ക്ക് ഈ സമ്മേളനം പരിശീലനക്കളരിയായിരുന്നു.
കരിവെള്ളൂരിന്റെ തനതായ വിപ്ലവ സംഘമാണ് അഭിനവ ഭാരത് യുവക് സംഘം. 1934 ഏപ്രില്‍ 13ന് കരിവെള്ളൂരിലെ ഒരു പീടിക മുറ്റത്താണ് ഈ യുവജന പ്രസ്ഥാനത്തിന്റെ പിറവി.
സമ്മേളനത്തിലെ പ്രസംഗങ്ങളുടെ പ്രസക്ത ഭാഗങ്ങള്‍, പ്രമേയങ്ങള്‍ തുടങ്ങിയവ ലേഖകന്‍ ഉദ്ധരിക്കുന്നു.അതുപോലെ ഉളിയത്തുകടവില്‍ നടന്ന ഉപ്പു സത്യാഗ്രഹത്തില്‍ പങ്കെടുത്ത ജാഥാംഗങ്ങളായ 32 പേരുടെ പേരുവിവരങ്ങളും കരിവെള്ളൂര്‍ സമരത്തില്‍ പങ്കെടുത്തവരുടെ പേരുവിവരങ്ങളും ലേഖകന്‍ നിരത്തുന്നു.
ഇത്തരം വിശദാംശങ്ങളാണ് പ്രാദേശിക ചരിത്രരചന എന്ന നിലയില്‍ ഈ പുസ്തകത്തെ ശ്രദ്ധേയമാക്കുന്നത്. പ്രാദേശികമായ കൂടിച്ചേരലുകള്‍. അതിന്നു പ്രചോദനമേകിയ പ്രാദേശിക സന്ദര്‍ഭങ്ങള്‍ ഇവയെല്ലാം തെളിവുകളുടെ പിന്‍ബലത്തോടെ വിശദീകരിക്കപ്പെടുന്നുണ്ട്. അതേസമയം അവ കേവലം സ്ഥിതിവിവരക്കണക്കുകളായി ചുരുങ്ങുന്നുമില്ല.
കലയും സമരായുധം എന്ന അദ്ധ്യായത്തില്‍ നാടകവും കവിതയും എങ്ങനെ ദേശസ്‌നേഹവും രാഷ്ട്രീയബോധവും നിര്‍ണ്ണയിച്ചു എന്നു പരിശോധിക്കുന്നു. അംശി നാരായണ പിള്ളയുടെയും വിദ്വാന്‍ പി. കേളുനായരുടെയും ടി.എസ് സുബ്രഹ്മണ്യന്‍ തിരുമുമ്പിന്റെയും കവിതകള്‍ അക്കാലത്തെ വടക്കേമലബാറിലെ സമരജാഥകളില്‍ മുഴങ്ങി ക്കേട്ടിരുന്നു.
കോഴിക്കോട്ടുനിന്ന് പയ്യന്നൂരിലേക്ക് പുറപ്പെട്ട ഉപ്പുസത്യാഗ്രഹ ജാഥയില്‍ തമിഴ് കവി സുബ്രഹ്മണ്യ ഭാരതിയുടെയും വരികള്‍ പാടിയിരുന്നു. അത്തരം പല വരികളും ലേഖകന്‍ ഈ പുസ്തകത്തില്‍ ഉദ്ധരിച്ചു ചേര്‍ത്തിട്ടുണ്ട്.
നാടകാവതരണത്തിന്ന് മുന്‍പ് പലപ്പോഴും ദേശബോധ പ്രചോദിതമായ കവിതകള്‍ ആലപിക്കുന്ന പതിവുണ്ടായിരുന്നു. പുരാണനാടകങ്ങള്‍ രാഷ്ട്രീയാശയങ്ങള്‍ പ്രചരിപ്പിക്കാനുള്ള വേദികളാക്കിമാറ്റിയിരുന്നു.
സ്വാതന്ത്ര്യപ്പോരാളികള്‍ രാഷ്ട്രീയപ്രവര്‍ത്തനവും കലാ പ്രവര്‍ത്തനവും ഒരുമിച്ചുനടത്തിയിരുന്നു.അതിന്റെ വിശദാംശങ്ങള്‍ ലേഖകന്‍ രസകരമായി വിവരിക്കുന്നുണ്ട് ഈ അദ്ധ്യായത്തില്‍.
കരിവെള്ളൂരിന്റെ തനതായ വിപ്ലവ സംഘമാണ് അഭിനവ ഭാരത് യുവക് സംഘം. 1934 ഏപ്രില്‍ 13ന് കരിവെള്ളൂരിലെ ഒരു പീടിക മുറ്റത്താണ് ഈ യുവജന പ്രസ്ഥാനത്തിന്റെ പിറവി.
അടുത്ത പേജില്‍ തുടരുന്നു
കരിവെള്ളൂര്‍ എന്ന ദേശം വിപ്ലവഭൂപടത്തില്‍ ശ്രദ്ധേയമായത് ഡിസംബര്‍ 20 ന്റെ രക്തസാക്ഷിത്വത്തോടുകൂടിയാണ്. നാട്ടില്‍ പട്ടിണിയും ദാരിദ്ര്യവും ചൂഷണവും നടമാടുമ്പോള്‍ പൂഴ്ത്തിവെച്ച നെല്ല് കടത്താന്‍ ശ്രമിച്ചപ്പോള്‍ അത് തടയാതിരിക്കാന്‍ കമ്മ്യൂണിസ്റ്റ് പാര്‍ട്ടിയുടെ കൊടിക്കീഴില്‍ അണിനിരന്ന നാട്ടുകാര്‍ക്ക് കഴിയുമായിരുന്നില്ല.
കരിവെള്ളൂര്‍ സമരനായകന്‍ എ.വി കുഞ്ഞമ്പുവാണ് ഇതിന്ന് നേതൃത്വം കൊടുത്തത്. ബ്രിട്ടീഷുകാരുടെ വനനിയമത്തെ എതിര്‍ത്ത് ഏ.വിയും കൂട്ടരും വനസത്യാഗ്രഹവും ജാഥയും നടത്തിയപ്പോള്‍ പലതവണ അറസ്റ്റ് ചെയ്യപ്പെട്ടു. ജയിലിലായി.
കണ്ണൂര്‍ ജയിലില്‍ ഉത്തരേന്ത്യയിലെയും ബംഗാളിലെയും മറ്റും ഒട്ടേറെ വിപ്ലവകാരികള്‍ കഴിയുന്നുണ്ടായിരുന്നു. ഇന്ത്യക്ക് സ്വാതന്ത്ര്യം ലഭിക്കണമെങ്കില്‍ ഗാന്ധിമാര്‍ഗ്ഗത്തില്‍ മാത്രം പോരാടിയാല്‍ മതിയാകയില്ല എന്ന തീരുമാനത്തില്‍ അവര്‍ എത്തിചേര്‍ന്നു.
ജയിലില്‍ നിന്ന് പുറത്തിറങ്ങിയ എ.വി ഉത്തരേന്ത്യന്‍ പര്യടനം നടത്തി. ഭഗത് സിംഗിന്റെ “നൗ ജവാന്‍ ഭാരത് സഭ”യുടെ മാതൃകയില്‍ ഒരു വിപ്ലവ സംഘടന വേണമെന്ന് തോന്നി. അദ്ദേഹത്തിന്റെ ശ്രമഫലമായാണ് കരിവെള്ളൂരില്‍ 1934 ഏപ്രില്‍ 13ന് അഭിനവഭാരത് യുവക് സംഘം രൂപീകരിക്കപ്പെട്ടത്.
ഈ സംഘമാണ് കരിവെള്ളൂരില്‍ കര്‍ഷക സംഘത്തിന്റെ രൂപീകരണത്തിന്ന് വഴിതെളിച്ചതും കമ്മ്യൂണിസ്റ്റ് പാര്‍ട്ടിരൂപീകരണത്തിന്ന് വഴിച്ചാലൊരുക്കിയതും.
ചരിത്രത്തിന്റെ അടിവേരുകള്‍ എന്നു വിളിക്കാവുന്ന സംഘര്‍ഷങ്ങള്‍ ചര്‍ച്ചചെയ്യുന്നുവെന്നതാണ് ഈ പുസ്തകത്തിന്റെ പ്രത്യേകത.
കരിവെള്ളൂരിലെയും പരിസര പ്രദേശങ്ങളിലെയും സാമൂഹിക പ്രശ്‌നങ്ങളില്‍ സജ്ജീവമായി ഇടപെട്ട യുവക് സംഘം സാഹസിക വിപ്ലവത്തിലേക്ക് വഴുതിവീഴുമെന്ന ഘട്ടം വന്നപ്പോള്‍ പിരിച്ചുവിടപ്പെടുകയായിരുന്നു.
സംഘടനയുടെ പ്രവര്‍ത്തകര്‍ അനുഭവിച്ച ധാര്‍മ്മികസംഘര്‍ഷവും സംഘടന അവശേഷിപ്പിച്ച കരുത്തും ഊര്‍ജ്ജവുമെല്ലാം നമുക്ക് മനസ്സിലാകാത്ത ഒരു കാലത്തിന്റെ ആവേശം സ്വാംശീകരിച്ചുകൊണ്ട് ലേഖകന്‍ ചര്‍ച്ച ചെയ്യുന്നുണ്ട്.
പുരോഗമനപക്ഷ പ്രവര്‍ത്തകരുടെ ധാര്‍മിക സംഘര്‍ഷങ്ങള്‍ കമ്മ്യൂണിസ്റ്റ് പാര്‍ട്ടി രൂപീകരണം വരെ തുടര്‍ന്നു. യുവക് സംഘം, കര്‍ഷകസംഘം, കോണ്‍ഗ്രസ്സ്, കോണ്‍ഗ്രസ്സ് സോഷ്യലിസ്റ്റ് പാര്‍ട്ടി, കമ്മ്യുണിസ്റ്റ് ഇവയെല്ലാം സമൂഹത്തില്‍ സജീവമായ ചര്‍ച്ചാവിഷമായിരുന്നു.
സേവനമനോഭാവം എന്നതൊഴിച്ചു നിര്‍ത്തിയാല്‍ ഇവയുടെയെല്ലാം കാഴ്ച്ചപ്പാടുകളും പ്രവര്‍ത്തനരീതികളും ഭിന്നമായിരുന്നു. ചിലത് വലതുപക്ഷ യാഥാസ്ഥിക ആശയ ങ്ങളെ ഒന്നാകെ എതിര്‍ത്തു.
ചിലര്‍ ബ്രിട്ടീഷ് സാമ്രാജ്യത്തെ മാത്രം ശത്രുവായിക്കണ്ടു. ചിലതിന്ന് സാമൂഹിക പരിഷ്‌കരണം മാത്രമായിരുന്നു ലക്ഷ്യം. ഈ സംഘടനകളുടെ പ്രവര്‍ത്തനങ്ങള്‍ പരസ്പരം സംഘര്‍ഷഭരിതവുമായിരുന്നു.
[]എന്നാല്‍ കൗതുകകരമായ ഒരു കാര്യം ഒരേ ആളുകള്‍ തന്നെയായിരുന്നു ഈ സംഘടനകളുടെയെല്ലാം വക്താക്കളും പ്രവര്‍ത്തകരും എന്നതാണ്. ഒരേ നേതാക്കള്‍ തന്നെ വ്യതസ്തവും വിപരീതവുമായ സംഘടനകളുടെ വക്താക്കളായി പ്രത്യക്ഷപ്പെട്ടത് ജനങ്ങള്‍ക്കിടയില്‍ വലിയ ആശയക്കുഴപ്പങ്ങള്‍ സൃഷ്ടിച്ചു.
നേതാക്കള്‍ക്ക് തന്നെ ആശയക്കുഴപ്പവും സ്വത്വപ്രതിസന്ധിയുമുണ്ടായി. ഈ സംഘര്‍ഷം കമ്മ്യുണിസ്റ്റ് പാര്‍ട്ടിയുടെ രൂപീകരണം വരെ തുടര്‍ന്നു. ചരിത്രത്തിന്റെ അടിവേരുകള്‍ എന്നു വിളിക്കാവുന്നു ഇത്തരം സംഘര്‍ഷങ്ങള്‍ ചര്‍ച്ചചെയ്യുന്നുവെന്നതാണ് ഈ പുസ്തകത്തിന്റെ പ്രത്യേകത.
കരിവെള്ളൂര്‍ എന്ന ദേശം വിപ്ലവഭൂപടത്തില്‍ ശ്രദ്ധേയമായത് ഡിസംബര്‍ 20 ന്റെ രക്തസാക്ഷിത്വത്തോടുകൂടിയാണ്. നാട്ടില്‍ പട്ടിണിയും ദാരിദ്ര്യവും ചൂഷണവും നടമാടുമ്പോള്‍ പൂഴ്ത്തിവെച്ച നെല്ല് കടത്താന്‍ ശ്രമിച്ചപ്പോള്‍ അത് തടയാതിരിക്കാന്‍ കമ്മ്യൂണിസ്റ്റ് പാര്‍ട്ടിയുടെ കൊടിക്കീഴില്‍ അണിനിരന്ന നാട്ടുകാര്‍ക്ക് കഴിയുമായിരു ന്നില്ല.
അവര്‍ എം.എസ്.പിക്കാരെയും തമ്പുരാന്റെ ഗുണ്ടകളെയും നിഷ്‌കളങ്കമായും നിരായുധമായും നേരിട്ടു. രണ്ടുപേര്‍ രക്തസാക്ഷികളായി. നിരവധിപേര്‍ക്ക് പരിക്കേറ്റു. ഈ വിപ്ലവത്തിന്റെ കഥ ഐതീഹ്യമാനത്തോടെ ലേഖകന്‍ വിവരിക്കുന്നു.
നിശ്ചയമായും രാഷ്ട്രീയവിദ്യാര്‍ഥികള്‍ വായിച്ചിരിക്കേണ്ട പുസ്തകമാണിത്. അവര്‍ അറിഞ്ഞിരിക്കേണ്ട രാഷ്ട്രീയസംഘര്‍ഷങ്ങളുടെ കഥയാണിത്. എന്നാല്‍ രാഷ്ട്രീയം പ്രൊഫഷന്‍ ആയി കൊണ്ടുനടക്കുന്നവര്‍ ഈ പുസ്തകം വായിക്കരുത്.
അവര്‍ രാഷ്ട്രീയത്തിന്റെ ഭൂതകാലം ചികയുമ്പോള്‍ ധര്‍മ്മസംഘര്‍ഷങ്ങള്‍ക്ക് വഴിപ്പെടാം. സംഘര്‍ഷങ്ങളില്ലാത്ത ഒരു കാലത്ത് ഈ പുസ്തകം വിചിത്രമായ ഒരനുഭവമായി അവര്‍ക്ക് തോന്നാനിടയുണ്ട്.
Book Name: Karivellur: Charitram, Samaram, Jeevitham
Author: Karivellur Murali
Classification: History
Price: Rs 210.00
Publisher: DecemberBooks, Payyannur
