മലപ്പുറത്തിന്റെ നന്മ വെള്ളിത്തിരയിലേക്ക്; കരിപ്പൂര്‍ വിമാനത്താവളാപകടം സിനിമയാകാനൊരുങ്ങുന്നു; ഷൂട്ടിംഗ് അടുത്തവര്‍ഷം
എന്റര്‍ടെയിന്‍മെന്റ് ഡെസ്‌ക്
Tuesday, 18th August 2020, 5:08 pm
കോഴിക്കോട്: രാജ്യത്തിനെ ഞെട്ടിച്ച സംഭവമായിരുന്നു കഴിഞ്ഞ ദിവസമുണ്ടായ കരിപ്പൂര്‍ വിമാനത്താവളത്തിലുണ്ടായ വിമാനപകടം. എന്നാല്‍ മലപ്പുറത്തെ ജനങ്ങളുടെയും അധികൃതരുടെയും സമയോജിതമായ ഇടപെടല്‍ വന്‍ അപകടത്തില്‍ നിന്നാണ് ആളുകളെ രക്ഷപ്പെടുത്തിയത്.
ഇപ്പോഴിതാ ഈ അപകടവും രക്ഷാദൗത്യവുമെല്ലാം സിനിമയാകാന്‍ ഒരുങ്ങുകയാണ്.’കാലിക്കറ്റ് എക്‌സ്പ്രസ്’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് മായ ആണ്.
മജീദ് മാറഞ്ചേരിയാണ് ചിത്രത്തിന്റെ തിരക്കഥ ഒരുക്കുന്നത്. മലയാളത്തിലെ പ്രമുഖ താരം ചിത്രത്തില്‍ എത്തുമെന്നാണ് ചിത്രത്തിന്റെ അണിയറ പ്രവര്‍ത്തകര്‍ പറയുന്നത്. നൂറില്‍പരം പുതുമുഖ താരങ്ങളും ചിത്രത്തില്‍ അണിനിരക്കും.
