'വഞ്ചകനാണവന്‍; ക്ലബ്ബ് വിട്ടതിന് പിന്നാലെ റോണോയെ പോലെ ഇന്‍സ്റ്റഗ്രാം പേജ് അണ്‍ഫോളോ ചെയ്തിരിക്കുന്നു'; സൂപ്പര്‍താരത്തിന് വിമര്‍ശനം
സ്പോര്‍ട്സ് ഡെസ്‌ക്
Monday, 19th June 2023, 9:33 am
സ്പാനിഷ് വമ്പന്‍ ക്ലബ്ബായ റയല്‍ മാഡ്രിഡുമായി പിരിഞ്ഞ കരിം ബെന്‍സിമ സൗദി അറേബ്യന്‍ ക്ലബ്ബായ അല്‍ ഇത്തിഹാദിലേക്ക് ചേക്കേറിയിരിക്കുകയാണ്. ഈ സീസണിന്റെ അവസാനത്തോടെ റയലുമായുള്ള കരാര്‍ അവസാനിച്ച ബെന്‍സിമയെ ഒരു വര്‍ഷത്തേക്ക് കൂടി ക്ലബ്ബില്‍ നിലനിര്‍ത്താന്‍ ശ്രമിച്ചിരുന്നെങ്കിലും അറേബ്യന്‍ മണ്ണിലേക്ക് നീങ്ങാനായിരുന്നു താരത്തിന്റെ തീരുമാനം.
റയല്‍ മാഡ്രിഡ് വിട്ടതിന് പിന്നാലെ താരം തന്റെ ഇന്‍സ്റ്റഗ്രാം അക്കൗണ്ടില്‍ നിന്ന് ക്ലബ്ബിനെ അണ്‍ഫോളോ ചെയ്തത് ശ്രദ്ധ നേടിയിരിക്കുകയാണ്. താരത്തെ വിമര്‍ശിച്ച് നിരവധി ആരാധകരാണ് രംഗത്തെത്തിയിരിക്കുന്നത്. ‘വഞ്ചകനാണയാള്‍, ഒരു പതിറ്റാണ്ടിലധികം കാലം റയലിനായി കളിച്ച് ഒടുവില്‍ അദ്ദേഹം ക്ലബ്ബിനെ അണ്‍ഫോളോ ചെയ്തിരിക്കുന്നു’ എന്നു തുടങ്ങി ബെന്‍സിമയെ വിമര്‍ശിച്ച് നിരവധിയാളുകളാണ് ട്വീറ്റ് ചെയ്തിരിക്കുന്നത്.
