ഒരു വര്‍ഷം കൊടുക്കാം, ചെയ്തുനോക്കട്ടെയെന്ന് അവന്റെ അച്ഛന്‍, അങ്ങനെ ബിനോയിയെ നെസ്റ്റില്‍ നിന്ന് രാജിവെപ്പിച്ച് കൊണ്ടുവന്നു; ഉണ്ണി മാത്യൂസ്
എന്റര്‍ടെയിന്‍മെന്റ് ഡെസ്‌ക്
Tuesday, 13th July 2021, 7:20 pm
കൊച്ചി: കരിക്ക് സീരിസുകളില്‍ ഷിബു എന്ന കഥാപാത്രമായി എത്തി പ്രേക്ഷകശ്രദ്ധ നേടിയയാളാണ് ബിനോയ് ജോണ്‍. ടീമിലേക്ക് ബിനോയ് എത്തിയതിനെക്കുറിച്ച് പറയുകയാണ് അഭിനേതാവായ ഉണ്ണി മാത്യൂസ്. മാതൃഭൂമി ഡോട്ട്‌കോമിന് നല്‍കിയ അഭിമുഖത്തിലായിരുന്നു ഉണ്ണി മനസ്സുതുറന്നത്.
‘അച്ഛന്റെ അനിയന്റെ മകനുണ്ട് ബിനോയി. അന്നവന്‍ നെസ്റ്റില്‍ വര്‍ക്ക് ചെയ്യുകയാണ്. ഒരു ദിവസം ഇവിടെ വന്നപ്പോള്‍ പറഞ്ഞു, ഇപ്പോഴത്തെ ജോലി മതിയായി. ക്രിയേറ്റീവായി എന്തെങ്കിലും ചെയ്യണം.
അവന്റെ അച്ഛന്‍ ജോണി അങ്കിളാണ് ആനിമേഷന്‍ സീരീസായ കാട്ടിലെ കണ്ണനൊക്കെ ചെയ്തത്. ബിനോയിക്ക് ക്യാമറ വളരെ താത്പര്യമുള്ള മേഖലയാണ്. അനുവാദത്തിനായി ജോണി അങ്കിളിനെ കണ്ടു.
അങ്കിള്‍ പറഞ്ഞു, ഒരു വര്‍ഷം അവന് കൊടുക്കാം. അവന് ചെയ്തുനോക്കട്ടെ. അങ്ങനെ ബിനോയിയെ നെസ്റ്റില്‍നിന്ന് രാജിവെപ്പിച്ച് കൊണ്ടുവന്നു.
