ഇത്തവണ സിംബയും; കാത്തിരിപ്പിനൊടുവില്‍ പുതിയ വീഡിയോയുമായി കരിക്ക്
എന്റര്‍ടെയിന്‍മെന്റ് ഡെസ്‌ക്
Sunday, 22nd August 2021, 10:12 am
കൊച്ചി: ഏറെ നാളത്തെ കാത്തിരിപ്പിനൊടുവില്‍ പുതിയ വീഡിയോയുമായി കരിക്ക് ടീം. തിരുവോണ ദിവസം കരിക്ക് യൂ ട്യൂബ് ചാനലില്‍ പുറത്തിറക്കിയ സ്റ്റാര്‍ എന്ന വീഡിയോ ഇതിനോടകം ട്രെന്‍ഡിംഗ് ലിസ്റ്റില്‍ ഒന്നാമതായിട്ടുണ്ട്.
ഞായറാഴ്ച രാവിലെ വരെ 23 ലക്ഷത്തിലധികം പേരാണ് വീഡിയോ കണ്ടിട്ടുള്ളത്.
അനു കെ. അനിയന്‍ സംവിധാനം ചെയ്ത പുതിയ വീഡിയോയുടെ കഥയും സംഭാഷവണവും കരിക്ക് ടീമിന്റേതാണ്. ബിനോയ് ജോണാണ് ക്യാമറ. ആനന്ദ് മാത്യൂസാണ് എഡിറ്റിംഗ്.
കൊവിഡും ലോക്ക്ഡൗണും കാരണം അടുത്തിടെ കരിക്ക് പുതിയ വീഡിയോ ചെയ്തിരുന്നില്ല. ഇതിനിടെ ആവറേജ് അമ്പിളി എന്ന പേരില്‍ പുതിയൊരു സീരിസ് കരിക്ക് ഫ്‌ളിക്കില്‍ ആരംഭിച്ചിരുന്നു.
