മഹാരാഷ്ട്രാ നവനിര്‍മാണ്‍ സേനയുടെ ഭീഷണിക്ക് മാസങ്ങള്‍ക്ക് പിന്നാലെ കറാച്ചി ബേക്കറി അടച്ചുപൂട്ടി
ഡൂള്‍ന്യൂസ് ഡെസ്‌ക്
Thursday, 4th March 2021, 2:47 pm
മുംബൈ: മഹാരാഷ്ട്രയിലെ ബാന്ദ്രയിലെ പേരുകേട്ട സ്ഥാപനമായ കറാച്ചി ബേക്കറി അടച്ചു. കറാച്ചി ഹോട്ടല്‍ പൂട്ടിച്ചത് തങ്ങളാണെന്ന് മഹാരാഷ്ട്രാ നവനിര്‍മാണ്‍സേന അവകാശപ്പെട്ടു. കറാച്ചി എന്നപാകിസ്താന്‍ പേരിനെതിരെ ഉയര്‍ന്ന കടുത്ത പ്രതിഷേധത്തെ തുടര്‍ന്നാണ് കറാച്ചി ബേക്കറി പൂട്ടിയതെന്ന് നവനിര്‍മാണ്‍സേന വൈസ് പ്രസിഡന്റ് ഹാജി സെയ്ഫ് ഷെയ്ക്ക് പറഞ്ഞു.
2020 നവംബറില്‍ എം.എന്‍.എസ് വൈസ് പ്രസിഡന്റ് ഹാജി സെയ്ഫ് ഷെയ്ഖ് കടയുടെ പേര് മാറ്റണമെന്ന് ആവശ്യപ്പെട്ട് കറാച്ചി ബേക്കറി മുന്‍പില്‍ പ്രതിഷേധം സംഘടിപ്പിച്ചിരുന്നു. കറാച്ചി എന്ന പേര് ദേശവിരുദ്ധമാണെന്നായിരുന്നു നവനിര്‍മാണ സേന പറഞ്ഞത്.
