'ജെ.എന്‍.യു ആക്രമണത്തിന് പിന്നില്‍ ഗൂഢാലോചന'; അമിത് ഷായ്ക്കും ജെ.എന്‍.യു വി.സിക്കുമെതിരെ കപില്‍ സിബല്‍
ഡൂള്‍ന്യൂസ് ഡെസ്‌ക്
Monday, 6th January 2020, 10:13 am
ന്യൂദല്‍ഹി: ജെ.എന്‍.യു ക്യാംപസില്‍ കയറി വിദ്യാര്‍ത്ഥികള്‍ക്ക് നേരെ മുഖംമൂടി സംഘം ആക്രമണം നടത്തിയ സംഭവത്തില്‍ ജെ.എന്‍.യു വി.സിക്കും പൊലീസിനും കേന്ദ്രആഭ്യന്തരമന്ത്രിയ്ക്കുമെതിരെ രൂക്ഷ വിമര്‍ശനവുമായി കോണ്‍ഗ്രസ് നേതാവും അഭിഭാഷകനുമായ കപില്‍ സിബല്‍. ജെ.എന്‍.യുവില്‍ നടന്നത് മുന്‍കൂട്ടി ആസൂത്രണം ചെയ്ത ആക്രമണമാണെന്നും സിബല്‍ പറഞ്ഞു.
”എങ്ങനെയാണ് മുഖംമൂടി ധരിച്ച ഒരു സംഘത്തിന് ക്യാംപസിന് അകത്ത് പ്രവേശിക്കാന്‍ സാധിക്കുക? വൈസ് ചാന്‍സിലര്‍ അവിടെ എന്തുചെയ്യുകയായിരുന്നു. ഇത്തരമൊരു കാര്യം സംഭവിച്ചിട്ടും എന്തുകൊണ്ടാണ് പൊലീസ് ക്യാംപസിന് പുറത്ത് തന്നെ നിന്നുകളഞ്ഞത്?
എന്താണ് കേന്ദ്രആഭ്യന്തര മന്ത്രി ചെയ്തുകൊണ്ടിരിക്കുന്നത്? ഈ ചോദ്യങ്ങള്‍ക്കൊന്നും ഉത്തരമില്ല. ഇതിന് പിന്നില്‍ കൃത്യമായ ഗൂഢാലോചനയുണ്ട്. അന്വേഷണം ആവശ്യമാണ്-കപില്‍ സിബല്‍ ട്വിറ്ററില്‍ കുറിച്ചു.
