ന്യൂസിലാന്‍ഡിന്റെ ഇന്ത്യന്‍ പര്യടനത്തിലെ അവസാന ടെസ്റ്റിലും ഇന്ത്യ നാണംകെട്ട പരാജയമാണ് ഏറ്റുവാങ്ങിയത്. ഇതോടെ മൂന്ന് മത്സരങ്ങളുടെ പരമ്പരയിലെ മൂന്ന് മത്സരങ്ങളും പരാജയപ്പെട്ടാണ് ഇന്ത്യ തലകുനിച്ചു നില്‍ക്കുന്നത്. പരമ്പരയില്‍ ഇന്ത്യയ്ക്ക് വേണ്ടി മോശം പ്രകടനമാണ് വിരാട് കോഹ്‌ലിയും രോഹിത് ശര്‍മയും നടത്തിയത്.
കിവീസിനെതിരായ ആറ് ഇന്നിങ്സുകളില്‍ നിന്ന് 15.50 ശരാശരിയില്‍ 93 റണ്‍സാണ് കോഹ്ലി നേടിയത് മറ്റൊരു വശത്ത് ഏഴ് വര്‍ഷത്തെ ഹോം പരമ്പരയിലെ ഏറ്റവും മോശം പ്രകടനമാണ് രോഹിതിനുള്ളത് 15.16 ശരാശരിയില്‍ 91 റണ്‍സാണ് രോഹിത്തിന്. ഇരുവരുടെയും മോശം പ്രകടനം മുന്‍ നിര്‍ത്തി പല മുന്‍ താരങ്ങളും വിമര്‍ശനം ഉന്നയിച്ചിരുന്നു.
ഇനി ഇന്ത്യയുടെ മുന്നിലുള്ളത് ബോര്‍ഡര്‍ ഗവാസ്‌കര്‍ ട്രോഫിയാണ്. ഓസ്ട്രേലിയയോട് ഏറ്റുമുട്ടുന്നതിന് മുന്നെ, ഇന്ത്യന്‍ ക്യാപ്റ്റന്‍ രോഹിത് ശര്‍മയും സ്റ്റാര്‍ ബാറ്റര്‍ വിരാട് കോഹ്‌ലിയും നന്നായി പരിശീലിക്കണമെന്നാണ് ഇതിഹാസ താരം കപില്‍ ദേവ് പറയുന്നത്.
‘അവര്‍ ഒരുപാട് പരിശീലിക്കേണ്ടിവരും. മുറിയിലിരിക്കുന്നത് നല്ല കാര്യമല്ല, നടക്കാനും പോകുന്നില്ല. നിങ്ങള്‍ ബുദ്ധിമുട്ടുന്നുണ്ടെങ്കില്‍, പുറത്തുപോയി പരിശീലിക്കുക. പരിശീലിക്കുക, പരിശീലിക്കുക, വീണ്ടും പരിശീലിക്കുക. അതാണ് നല്ലത്,’ കപില്‍ ദേവ് ക്രിക്കറ്റ് നെക്സിനോട് പറഞ്ഞു.
രോഹിത് ശര്‍മ (ക്യാപ്റ്റന്‍), ജസ്പ്രീത് ബുംറ, യശസ്വി ജെയ്‌സ്വാള്‍, അഭിമന്യു ഈശ്വരന്‍, ശുഭ്മാന്‍ ഗില്‍, വിരാട് കോഹ്ലി, കെ.എല്‍. രാഹുല്‍, റിഷബ് പന്ത്, സര്‍ഫറാസ് ഖാന്‍, ധ്രുവ് ജുറെല്‍, ആര്‍. അശ്വിന്‍, രവീന്ദ്ര ജഡേജ, മുഹമ്മദ് സിറാജ്, ആകാശ് ദീപ്, പ്രസിദ് കൃഷ്ണ, ഹര്‍ഷിത് റാണ, നിതീഷ് കുമാര്‍ റെഡ്ഡി, വാഷിങ്ടണ്‍ സുന്ദര്‍
ആദ്യ ടെസ്റ്റ് – നവംബര്‍ 22 മുതല്‍ 26 വരെ – ഒപ്റ്റസ് സ്റ്റേഡിയം, പെര്‍ത്ത്.
രണ്ടാം ടെസ്റ്റ് – ഡിസംബര്‍ 6 മുതല്‍ 10 വരെ – അഡ്ലെയ്ഡ് ഓവല്‍.
മൂന്നാം ടെസ്റ്റ് – ഡിസംബര്‍ 14 മുതല്‍ 18 വരെ – ദി ഗാബ, ബ്രിസ്ബെയ്ന്‍.
ബോക്സിങ് ഡേ ടെസ്റ്റ് – ഡിസംബര്‍ 26 മുതല്‍ 30 വരെ – മെല്‍ബണ്‍ ക്രിക്കറ്റ് ഗ്രൗണ്ട്.
അവസാന ടെസ്റ്റ് – ജനുവരി 3 മുതല്‍ 7 വരെ – സിഡ്നി ക്രിക്കറ്റ് ഗ്രൗണ്ട്
Content Highlight: Kapil Dev Criticize Virat And Rohit Sharma