ബെംഗളുരു: സമൂഹമാധ്യമങ്ങള്‍ എറെ ആഘോഷിച്ച താരവിവാഹമായിരുന്നു മലയാളത്തിന്റെ പ്രിയനടി ഭാവനയുടേത്. വരന്‍ നവീനെയും മലയാളികള്‍ ഇരുകൈയ്യും നീട്ടിയാണ് സ്വീകരിച്ചത്.
ഇപ്പോഴിതാ ഭാവനയ്ക്ക് ഒരു സര്‍പ്രൈസുമായി എത്തിയിരിക്കയാണ് കന്നഡ നിര്‍മ്മാതാവ്. വിവാഹ ശേഷം ബെംഗളുരുവിലേക്ക് പോയ ഭാവനയെത്തേടിയാണ് നിര്‍മ്മാതാവിന്റെ സമ്മാനം എത്തിയിരിക്കുന്നത്.
നവീനുമായുള്ള വിവാഹശേഷം ഭാവനയുടെ പുറത്തിറങ്ങിയ കന്നഡ ചിത്രമാണ് തഗരു. ചിത്രം റെക്കോര്‍ഡ് കളക്ഷന്‍ ഭേദിച്ച് മുന്നേറുകയാണ്.
ശിവരാജ് കുമാറാണ് ചിത്രത്തിലെ നായകന്‍. സൂരിയാണ് തഗരു സംവിധാനം ചെയ്തിരിക്കുന്നത്.
ചിത്രത്തിന്റെ വിജയാഹ്‌ളാദത്തില്‍ ഭാവനയ്ക്ക് വെള്ളി കൊണ്ടുള്ള ഉടവാളാണ് നിര്‍മ്മാതാവ് സമ്മാനമായി നല്‍കിയത്. ബെംഗളുരുവില്‍ ചിത്രത്തിന്റെ വിജയാഘോഷത്തിനിടെ നിര്‍മ്മാതാവായ കെ.പി ശ്രീകാന്ത് വെള്ളി ഉടവാള്‍ നല്‍കിയത്.
വിജയത്തിന്റെ സൂചകമായി ഉടവാള്‍ സമ്മാനിക്കുന്നത് കര്‍ണ്ണാടകയിലെ ഒരു പരമ്പരാഗത ആചാരമാണ്.
ഇക്കഴിഞ്ഞ ജനുവരിയിലായിരുന്നു കന്നഡ നിര്‍മ്മാതാവ് നവീനുമായുള്ള ഭാവനയുടെ വിവാഹം നടന്നത്. വിവാഹശേവും സിനിമയില്‍ അഭിനയം തുടരുമെന്ന് ഭാവന പറഞ്ഞിരുന്നു.