ബെംഗളൂരു: കൊവിഡ് പ്രതിസന്ധി കൈകാര്യം ചെയ്യുന്നതില്‍ മുഖ്യമന്ത്രി പിണറായി വിജയനെ അഭിനന്ദിച്ച് കന്നഡ നടന്‍ ചേതന്‍ കുമാര്‍. രാജ്യത്ത് ഓക്സിജന് ക്ഷാമം തുടരുമ്പോഴും കേരളം അതില്‍ നിന്ന് മുക്തമായത് എടുത്തുപറയേണ്ടതാണെന്നും ചേതന്‍ പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
‘ഇന്ത്യയിലെ ഓക്സിജന് ക്ഷാമം ഭയപ്പെടുത്തുന്നു. എന്നാല്‍ കേരളം അക്കാര്യത്തില്‍ വേറിട്ട് നില്‍ക്കുന്നു. 2020ല്‍ എത്തിയ കൊവിഡില്‍ നിന്നും കേരളം കുറേയധികം കാര്യങ്ങള്‍ പഠിച്ചു. തുടര്‍ന്ന് ഓക്സിജന് പ്ലാന്റുകള്‍ക്കായി പണം ചെലവഴിച്ചു. ഓക്സിജന് വിതരണം ഇപ്പോള്‍ 58 ശതമാനത്തിലേക്ക് എത്തിച്ചു. ഇപ്പോള്‍ കര്‍ണ്ണാടക, ബെംഗളൂരൂ, ഗോവ, തമിഴ്‌നാട് എന്നീ സംസ്ഥാനങ്ങള്‍ക്ക് ഓക്സിജന് വിതരണം ചെയ്യുകയാണ് കേരളം. കേരള മോഡല്‍ ഒരു റോള്‍ മോഡല്‍ തന്നെയാണ്. മോദിയില്ലെങ്കില്‍ പിന്നെയാരാണ് എന്ന് ചോദിക്കുന്നവരോട്, ഒന്നേ പറയാനുള്ളു. പിണറായി വിജയന്‍ എന്ന് ഗൂഗിള്‍ ചെയ്തു നോക്കൂ,’ചേതന്‍ കുമാര്‍ ട്വിറ്ററിലെഴുതി.
#Oxygen shortage horror in India; Kerala shining exception
Kerala learnt from covid 2020; spent money on oxygen plants; increased oxygen supply by 58%; now supplying oxygen to KA, TN, Goa#Kerala model = role model
For those who ask ‘If not Modi, who?’, google Pinarayi Vijayan pic.twitter.com/cRyVLZWtwB
— Chetan Kumar / ಚೇತನ್ (@ChetanAhimsa) April 27, 2021
അതേസമയം 204 ടണ്‍ ലിക്വിഡ് ഓക്‌സിജനാണ് കേരളം പ്രതിദിനം ഉത്പാദിപ്പിക്കുന്നത്. നിലവില്‍ 79 ടണ്‍ മാത്രമാണ് ഉപയോഗിക്കുന്നത്. കൊവിഡ് പടരുന്ന ഈയവസരത്തില്‍ ഓക്സിജന് ക്ഷാമം രൂക്ഷമായ അയല്‍സംസ്ഥാനങ്ങള്‍ക്കും കേരളം ഓക്സിജന് കയറ്റി അയക്കുന്നുണ്ട്.
