കൊവിഡ് 19 സ്ഥിരീകരിച്ച കനിക കപൂര്‍ താമസിച്ച അതേ ഹോട്ടലില്‍ താമസിച്ച് ദക്ഷിണാഫ്രിക്കന്‍ ക്രിക്കറ്റ് ടീം; റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Sunday, 22nd March 2020, 6:01 pm
ഗായിക കണിക കപൂറിന് കൊവിഡ് 19 സ്ഥിരീകരിച്ചത് വലിയ ആശങ്കയാണ് ഉത്തര്‍പ്രദേശില്‍ സൃഷ്ടിച്ചത്. ലണ്ടനില്‍ നിന്ന് മടങ്ങിയെത്തിയതിന് ശേഷം കണിക സംഘടിപ്പിച്ച പാര്‍ട്ടികളില്‍ രാഷ്ട്രീയനേതാക്കളും ഉദ്യോഗസ്ഥരും മറ്റ് പ്രമുഖരും പങ്കെടുത്തിരുന്നു. കണിക കപൂറിന് കൊവിഡ് 19 സ്ഥിരീകരിച്ചതിന് ശേഷം ഇവരില്‍ പലരും നിരീക്ഷണത്തിലായിരുന്നു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
കണികക്ക് രോഗം സ്ഥിരീകരിക്കുന്നതിന് മുമ്പ് താമസിച്ചിരുന്ന ലഖ്‌നൗവിലെ പഞ്ചനക്ഷത്ര ഹോട്ടലില്‍ തന്നെ ദക്ഷിണാഫ്രിക്കന്‍ ക്രിക്കറ്റ് ടീം താമസിച്ചിരുന്നു എന്നതാണ് പുറത്ത് വരുന്ന പുതിയ റിപ്പോര്‍ട്ട്. ഇന്ത്യന്‍ ക്രിക്കറ്റ് ടീമുമായുള്ള പരമ്പരയിലെ മത്സരം കളിക്കാനാണ് ദക്ഷിണാഫ്രിക്കന്‍ ടീം ലഖ്‌നൗവിലെത്തിയത്. പരമ്പര പിന്നീട് നീട്ടിവെച്ചിരുന്നു.
