നിങ്ങളെ തെരഞ്ഞെടുത്തത് മതങ്ങളെ സംരക്ഷിക്കാനല്ല, തൊഴില്‍ സംരക്ഷിക്കാനും ആശുപത്രികളും സ്‌കൂളുകളും നിര്‍മ്മിക്കാനുമാണ്: കനയ്യകുമാര്‍
ഡൂള്‍ന്യൂസ് ഡെസ്‌ക്
Thursday, 13th February 2020, 12:41 pm
പാട്‌ന: ജനങ്ങള്‍ സര്‍ക്കാരുകളെ തെരഞ്ഞെടുക്കുന്നത് മതങ്ങളെ സംരക്ഷിക്കാനല്ല, തൊഴില്‍ സംരക്ഷിക്കാനും ആശുപത്രികളും സ്‌കൂളുകളും നിര്‍മ്മിക്കാനുമാണെന്ന് സി.പി.ഐ ദേശീയ എക്‌സിക്യൂട്ടിവ് അംഗം കനയ്യകുമാര്‍. പൗരത്വ ഭേദഗതി നിയമത്തിനെതിരെ ബിഹാറില്‍ നടക്കുന്ന ജനഗണമന യാത്രയില്‍ സംസാരിക്കുകയായിരുന്നു കനയ്യ.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘എന്‍.ആര്‍.സിയെ വെള്ളപൂശാന്‍ വേണ്ടിയാണ് സി.എ.എ കൊണ്ടുവന്നത്. കശ്മീരിന് പ്രത്യേക പദവി നല്‍കിയിരുന്ന ആര്‍ട്ടിക്കിള്‍ 370 റദ്ദാക്കിയതിനും അയോധ്യാ വിധിയ്ക്കും ശേഷം സര്‍ക്കാരിന് രാജ്യത്ത് പുതിയ പ്രശ്‌നങ്ങള്‍ സൃഷ്ടിക്കണമായിരുന്നു’, കനയ്യ പറയുന്നു.
