പെരിന്തല്‍മണ്ണ: ശബരിമല ദര്‍ശനം നടത്തിയതിന്റെ പേരില്‍ പിടിച്ച കനക ദുര്‍ഗ പെരിന്തല്‍മണ്ണ അങ്ങാടിപ്പുറത്തെ വീട്ടില്‍ തിരിച്ചെത്തി. കോര്‍ട്ട് ഓഡര്‍ കയ്യില്‍ കിട്ടിയെന്നും വീട്ടില്‍ തിരിച്ചെത്തിയതില്‍ സന്തോഷമുണ്ടെന്നും കനക ദുര്‍ഗ പറഞ്ഞു.
കനകദുര്‍ഗ എത്തിയതോടെ ഭര്‍ത്താവ് കൃഷ്ണനുണ്ണിയും ഭര്‍തൃമാതാവും മറ്റൊരു വീട്ടിലേക്ക് മാറിയിരിക്കുകയാണിപ്പോള്‍. എന്നാല്‍ അവര്‍ മാറിയത് എനിക്ക് ബുദ്ധിമുട്ടില്ല, എന്റെ കൂടെ ജീവിക്കാന്‍ താല്‍പര്യമില്ലെങ്കില്‍ അവര്‍ മാറട്ടെ. അവരുടെ കൂടെ ജീവിക്കാന്‍ ഞാന്‍ റെഡിയാണെന്നും അതിനെ കുറിച്ച് എനിക്കൊന്നും അറിയില്ലെന്നും കനക ദൂര്‍ഗ പറഞ്ഞു.
Read Also : എഴുത്തിലെ ആചാര്യ രൂപങ്ങളേ, നിങ്ങള്‍ ആരാണെന്നാണ് നിങ്ങളുടെ ഭാവം?
കുട്ടികളെ കാണണമെന്നും അവര്‍ എന്റെ കൂടെ ഉണ്ടാകുമെന്നും കനക ദുര്‍ഗ മാധ്യമങ്ങളോട് പറഞ്ഞു.
പുലാമന്തോള്‍ പുലമന്തോള്‍ ഗ്രാമകോടതിയുടെ ഉത്തരവ് പ്രകാരമാണ് കനക ദുര്‍ഗ വീട്ടില്‍ തിരിച്ചെത്തിയത്. അങ്ങാടിപ്പുറത്തെ ഭര്‍തൃവീട്ടില്‍ പ്രവേശിക്കുന്നതിനും കുട്ടികള്‍ക്കൊപ്പം കഴിയാനുമുള്ള കനകദുര്‍ഗയുടെ അവകാശത്തെ തടയരുതെന്നും കോടതി ഉത്തരവിട്ടു. ഗാര്‍ഹിക പീഡന നിയമപ്രകാരം കഴിഞ്ഞ ദിവസമാണ് കനകദുര്‍ഗ പരാതി നല്‍കിയത്.
കനകദുര്‍ഗയെ വീട്ടില്‍ പ്രവേശിപ്പിക്കണമെന്ന് ഉത്തരവിട്ട കോടതി, ഭര്‍ത്താവിന്റെ പേരിലുള്ള വീട് തല്‍ക്കാലം വില്‍ക്കരുതെന്നും ഉത്തരവില്‍ പറയുന്നു. ശബരിമല ദര്‍ശനം കഴിഞ്ഞ് വീട്ടില്‍ തിരികെയെത്തിയ കനകദുര്‍ഗയെ ഭര്‍തൃമാതാവ് മര്‍ദ്ദിച്ചെന്ന് കനകദുര്‍ഗ ആരോപിച്ചിരുന്നു.