കൊച്ചി: തെന്നിന്ത്യന്‍ സൂപ്പര്‍താരം നയന്‍താരയും മെഗാസ്റ്റാര്‍ മമ്മൂട്ടിയും പ്രധാനവേഷത്തില്‍ എത്തിയ ചിത്രമായിരുന്നു പുതിയ നിയമം. എ.കെ.സാജന്‍ രചനയും സംവിധാനവും നിര്‍വഹിച്ച ചിത്രം 2016 ഫെബ്രുവരിയില്‍ ആയിരുന്നു റിലീസ് ചെയ്തത്.
നയന്‍താര വാസുകി എന്ന വീട്ടമ്മയെയും മമ്മൂട്ടി അഡ്വ: ലൂയിസ് പോത്തനും ആയി എത്തിയ ചിത്രത്തില്‍ യുവതാരം റോഷന്‍ മാത്യൂവായിരുന്നു വില്ലന്‍ റോളില്‍ എത്തിയത്.
ഇപ്പോഴിതാ പുതിയനിയമം ബോളിവുഡിലേക്ക് റീമേക്ക് ചെയ്യുകയാണ്. ചിത്രത്തിന്റെ നിര്‍മ്മാതാവ് അരുണ്‍ നാരായണനാണ് ഇക്കാര്യം സ്ഥിരീകരിച്ചത്. റിലയന്‍സ് എന്റര്‍ടെയിന്‍മെന്റും സംവിധായകന്‍ നീരജ് പാണ്ഡേയുടെ നിര്‍മ്മാണ കമ്പനിയും ചേര്‍ന്നാണ് ചിത്രം ഹിന്ദിയില്‍ ഒരുക്കുന്നത്.
എ വെനസ്ഡേ, സ്പെഷ്യല്‍ ഛബ്ബീസ്, എം.എസ് ധോണി എന്നീ ചിത്രങ്ങള്‍ ഒരുക്കിയ ഹിറ്റ് സംവിധായകനാണ് നീരജ് പാണ്ഡേ. താരദമ്പതികളായിരിക്കും ഹിന്ദി പതിപ്പിലെ പ്രധാന വേഷത്തില്‍ എത്തുകയെന്നാണ് അരുണ്‍ നാരായണന്‍ സൂചിപ്പിച്ചത്.
അജയ് ദേവ്ഗണ്‍ – കാജോള്‍ ദമ്പതികള്‍ ആയിരിക്കുമോ എന്നാണ് പ്രേക്ഷകരുടെ ഇടയില്‍ നിന്ന് ഉയരുന്ന ചോദ്യം. എന്നാല്‍ താരങ്ങളെ കുറിച്ച് ഇതുവരെ ഔദ്യോഗികമായി സ്ഥിരീകരണം ഒന്നും ഉണ്ടായിട്ടില്ല.
ദീപിക- രണ്‍വീര്‍ സിംഗ് ജോഡികളും, ഋതേഷ് ദേശ്മുഖ് – ജെനീലിയ ഡിസൂസ ജോഡികളുടെയും പേരുകള്‍ ചിത്രത്തിലെ പ്രധാനകഥാപാത്രങ്ങളായി ഉയര്‍ന്ന് കേള്‍ക്കുന്നുണ്ട്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlights: Kajol as Vasuki ?; Puthiya Niyamam prepares for Hindi remake; Fans with questions